– Jaraqatyńyzǵa baılanysty biraz ýaqyt saptan shyǵyp, komandaǵa endi qosylyp jatqanyńyzdan habardarmyz. Búgingi jaǵdaıyńyz qandaı?
– Jaraqatym aıtarlyqtaı aýyr bolǵan joq. Qazir ózimdi jaqsy sezinip turmyn. Jaraqatymnan tolyq aıyqtym desem de bolady. Erteńgi oıynǵa tas-túıin daıynmyn.
– Erteń «Seltık» bir nemese eki shabýylshymen oınaýy múmkin. Sizderge qaısysy qolaıly?
– Bapkerimiz qaı júıeni durys dep sanaıdy, sol júıemen oınaıtyn bolamyz. Jalpy, eki shabýylshymen de, bir shabýylshymen de oınaýǵa daıynbyz.
– Byltyr komandańyz Chempıondar lıgasynyń toptyq kezeńinde oınaǵan bolatyn...
– «Seltık Parkke» qaıta oralǵanymyzǵa qýanyshtymyn. Álbette, osy jyly da jyldyń eń mańyzdy týrnırinde dop tepkimiz keletinin jasyrmaımyn.
– «Seltık» Chempıondar lıgasy men ishki chempıonattaǵy básekege qanshalyqty daıyn?
– Chempıondar lıgasy – biz úshin tamasha tájirıbe alańy. Osy maýsymda birneshe oıyn ótkizdik. Menińshe, biz úshin ishki birinshilikke qaraǵanda, Eýrododadaǵy joryǵymyzdy jalǵastyrǵan óte paıdaly bolady.
– «Astanaǵa» qarsy Glazgoda jaqsy oınaǵan qanshalyqty mańyzdy?
– Árıne, oıyndy jeńispen bastaǵan jaqsy ǵoı. Sondaı-aq, «Rosenborg» komandasymen ótken ssenarııdi qaıtalaýǵa qarsy emespiz. Syrt alańda jeńis golyn soqqymyz keledi.
– «Astananyń» qarqynyn ótken jylǵymen salystyrýǵa bola ma?
– Bizdiń bapkerlik quram «Astananyń» oıynyn ábden zerttep-zerdelep kórdi. Klýbtaryńyzdy byltyrǵymen salystyrýǵa kelmeıtinin aıtty. Erteń barshamyzdy jaqsy oıyn kútip tur.
– Eger, «Seltık» Eýropa lıgasyna túsip keste, sizder úshin kútpegen jaǵdaı bola ma?
– Biz jeńilis týraly múldem oılamaımyz. «Seltık» jeńiske jetkendi qalaıdy jáne bizdiń maqsatymyz Chempıondar lıgasynyń toptyq kezeńine ótý.
– Sizdi erteńgi oıynda qandaı esep qanaǵattandyrady?
– Bizdi Chempıondar lıgasynyń toptyq kezeńine alyp shyǵatyn kez kelgen esep qanaǵattandyrady.
Álı BITО́RE
«Egemen Qazaqstan»