Nurlan Noǵaev Maksım Izbasovqa aýdannyń áleýmettik-ekonomıkalyq damýyna qosqan úlesi úshin, atqarǵan jumysy úshin alǵys bildirip keleshek bastamalaryna sáttilik tiledi. Jańa úmitker bolyp Mahambet aýdanynyń ákimi qyzmetin atqarǵan Alımuhammed Quttymuratuly taǵaıyndaldy. Depýtattar biraýyzdan úmitkerdi qoldap, ony tájirıbeli jáne bilikti basshy retinde tanylǵanyn atap ótti.
Aýdan maslıhatynyń sessııasy barysynda, jańa úmitker, Elbasynyń «Ult jospary – 100 naqty qadamdy júzege asyrý boıynsha bes ınstıtýsıonaldyq reformalary» maqalasynyń qazirgi zamanǵy memleket apparatyn qalyptastyrý prınsıpy boıynsha, Qazaqstan Respýblıkasy prezıdentiniń ákimshiliginiń kelisimimen taǵaıyndaldy.
Alımuhammed Quttymuratuly – ekonomıka men quqyqtaný salasyndaǵy eki joǵarǵy bilimi bar.
Eńbek jolyn 12 jyl buryn jeke sektorda bastaǵan, keıin ekonomıka jáne bıýdjettik josparlaý basqarmasynyń bas mamany laýazymyna kóshti, ózin jaýapty qyzmetker retinde kórsete bildi. 2008-2012 jyldar aralyǵynda jergilikti atqarý organdar júıesinde qyzmet atqardy. 2012-2016 jyldar aralyǵynda Oral qalasynyń ákim orynbasary, Atyraý oblysy apparatynyń basshysy, Atyraý oblysy tabıǵı resýrstar jáne tabıǵatty paıdalanýdy retteý basqarmasynyń basshysy, 2016 jyldyń mamyr aıynda Mahambet aýdany ákimi bolyp taǵaıyndaldy.