Ekijaqty kezdesýde Akademııa basshysy uıymnyń júzege asyrylyp jatqan jobalary jóninde áńgimelep, keleshektegi josparlarymen bólisti. Sonymen birge, Akademııanyń uıymdastyrýmen Mońǵolııada bastalǵan «Kentaıdan Ulytaýǵa deıin: tarıhı jadynyń jańǵyrýy» atty III halyqaralyq ekspedısııanyń maqsatymen tanystyryp, onyń baǵyty jóninde málimet berdi. О́z kezeginde mınıstr G. Chýlýýnbaatar Halyqaralyq Túrki akademııasynyń jumysymen etene tanys ekenin aıtyp, joǵary baǵa berdi. Akademııa men Mońǵolııa arasynda qalyptasqan qarym-qatynasty nyǵaıtýǵa, sondaı-aq keleshekte birlesken jobalar júrgizip, mońǵol elinde josparlanǵan ǵylymı bastamalarǵa óz tarapynan meılinshe qoldaý kórsetýge ázir ekendigin jetkizdi. Sonymen birge halyqaralyq ekspedısııa jumysyna sáttilik tiledi. Kezdesý sońynda D.Qydyráli mınıstrge kórsetken qurmeti men yqylasy úshin alǵys bildirip, Akademııa basyp shyǵarǵan qundy ǵylymı eńbekterdi tartý etti.
Aıta ketý kerek, TWESCO Mońǵolııanyń beldi ǵylymı-zertteý uıymdarymen memorandýmǵa qol qoıyp, tyǵyz baılanys ornatqan. Atap aıtqanda, Mońǵolııa Ulttyq Ǵylym akademııasymen, Mońǵolııa Ulttyq mýzeıimen, sondaı-aq Mońǵolııa UǴA janyndaǵy Tarıh, arheologııa ınstıtýtymen bekitilgen ózara yntymaqtastyq qujattary negizinde búginde birneshe joba sátti júzege asyrylyp otyr.