Vıse-mınıstr Memleket basshysynyń agrarlyq sektordy elimizdiń ekonomıkasynyń jańa qozǵaýshy kúshine aınaldyrý boıynsha alǵa qoıǵan mindetin oryndaý úshin AО́K damytý memlekettik baǵdarlamasy aıasynda birqatar qajetti sharalar qabyldanǵanyn baıandady.
Osylaısha, sýbsıdııalardyń barlyq 65 túri qaıta qaraldy, nátıjesinde tıimsiz 11-i alynyp tastaldy, 40 boıynsha – qaǵıdattar ózgertildi. Nátıjesinde jyl saıynǵy únemdeý shamamen 25 mlrd teńgeni quraıdy, al ózgertilgen qaǵıdattar ónim óndirisin bıýdjetti ulǵaıtýsyz orta eseppen alǵanda 29%-ǵa arttyrady.
Investısııalyq sýbsıdııalaýdyń aldyńǵy úlgisinde qoldanylǵan qaǵıdattar usaq jáne orta aýyl sharýashylyǵy óndirýshilerine baǵdarlamaǵa qatysýǵa múmkindik bergen joq. Atalǵan «qatelikter» joıyldy, aǵymdaǵy jyly usaq jáne orta óndirýshilerdi qamtý 2 esege artty.
Sýbsıdııalarmen qatar «QazAgro» UBH nesıe saıasaty qaıta qaraldy. Alǵash ret kóktemgi egis jumystaryna nesıeler sońǵy qaryz alýshyǵa jyldyq 6%-ben usynyldy. Salystyratyn bolsaq, ótken jyldary paıyzdyq mólsherleme 9-10% qurady. Oǵan qosa, nesıeleý bir aı erte bastaldy. «Aýyl sharýashylyǵyn qarjylaı qoldaý qory» AQ arqyly beriletin shaǵyn nesıeler 6%-ben usynylady, al buǵan deıin bul kórsetkish 14% deıin jetetin.
Budan ózge, ótken jyldan bastap usaq jáne orta sharýashylyqtardy aýyl sharýashylyǵy kooperasııasyna tartý boıynsha keshendi sharalardy iske asyrý bastaldy. Jyl basynan beri 1 tamyzdaǵy jaǵdaı boıynsha 53,5 myń astam ózindik qosalqy sharýashylyqty, usaq jáne orta sharýashylyqtardy jáne otbasylyq bordaqylaý alańdaryn qamtýmen 517 kooperatıv quryldy.
О́zin-ózi jumyspen qamtyǵan jáne eńbekpen qamtylmaǵan azamattar 110 572 iri qara mal basy úshin 10 286 otbasylyq bordaqylaý alańyn qurdy. Barlyq 160 aýyldyq aýdanda kooperasııa negizderi boıynsha semınarlar ótkizildi.
Aýyl sharýashylyǵy kooperatıvterine kepilsiz jáne bastapqy jarnasyz modýldik sút qabyldaý jáne mal soıý pýnktterin satyp alýdyń shemasy engizildi, sondaı-aq kooperatıvterdiń músheleri úshin nesıelerdi kepildendirý tetigi qarastyrylǵan. Qabyldanǵan sharalar nátıjesinde 36 myń tonna sút jáne 10 myń tonna et ázirlendi.
Budan ózge, ósimdik sharýashylyǵynda egis alqaptaryn ártaraptandyrý júrgizilýde. Suranysqa ıe daqyldar alqaptary 905,5 myń ga ulǵaıtyldy. Júrgizilgen ártaraptandyrý bıylǵy jyldyń ózinde qurama jem óndirisin 1,2 esege, maıly daqyldardy – 1,3 esege, otandyq qantty – 1,4 esege arttyrýǵa múmkindik beredi.