Nursultan Nazarbaevtyń qatysýymen óńirlerdiń áleý­met­tik-ekonomıkalyq damýy talqylandy

Otyrys barysynda mem­le­ket­tik damý baǵdar­la­ma­la­ryn is­ke asyrý, rýhanı jańǵyrý má­seleleri talqylanyp, óńir­ler­­diń áleýmettik-eko­no­mı­ka­lyq jaǵdaıy týraly esepter tyń­daldy. Alǵashqy sóz Premer-Mını­str­diń birinshi orynbasary As­qar Mamınge berildi. Ol «Nur­ly jol», «Nurly jer», Indýs­trııa­lyq-ınnovasııalyq damý, Nát­ıje­li jumyspen qamtýdy jáne jap­­paı kásipkerlikti damytý baǵdarlamalarynyń iske asyrylý barysy týraly esep berdi.

Qazaqstan Prezıdenti Pre­m­­er-Mınıstrdiń birinshi oryn­ba­sarynyń baıandamasyn tyń­dap, Úkimet tarapynan mán be­rý­­di qajet etetin mem­le­ket­tik baǵ­dar­­lamalardyń jeke­le­gen ın­dıkatorlary men kór­set­kish­terine toqtaldy. «Sońǵy 2 jyl boıy «Arnaıy ekonomıkalyq aımaq aýmaǵynda taýarlar óndirý men kórsetiletin qyzmetter kólemi» kórsetkishi oryn­­dalmaı otyr. «Nurly jer» baǵ­dar­lamasy halyqqa arzan­d­a­tylǵan ıpotekalyq nesıe já­ne qu­rylys salýshylarǵa jeńil­dik­pen nesıe berý múmkindikterin qarastyrady», dedi Nursultan Nazarbaev.

Sonymen qatar, Elbasy shı­ki­­­zattyq emes eksport jáne In­­dýs­trııalandyrý kartasy aıa­syn­da­ǵy jobalardy iske asyrý­men baı­lanysty máselelerge In­ves­tısııalar jáne damý mınıstri J.Qasymbektiń nazaryn aýdardy.Sondaı-aq, Memleket basshy­sy nátıjeli jumyspen qam­tý baǵ­dar­lamasyn iske asyrý má­se­leleri men ataýly áleýmettik kó­­mek kór­setýdiń tetikterine toq­taldy. Kún tártibindegi bul máseleni tal­qylaý aıaqtalǵan soń, agro­óner­kásip keshenin damytý baǵ­dar­lamasynyń iske asyrylýy tý­raly Premer-Mınıstrdiń oryn­basary Asqar Myrzahmetov ba­ıandady. Nursultan Nazarbaev A. Myrzah­metov keltirgen má­li­met­terdi nazarǵa alyp, prob­le­ma­lyq agroholdıngterge qa­tys­ty Úki­met­­tiń qabyldap jat­qan sharalary jáne egin orý ju­mystaryna daı­yndyq ná­tı­jeleri jóninde su­rady. Budan bólek, keńeste «Bo­lashaq­qa­ baǵdar: rýhanı jań­ǵy­rý» baǵ­dar­la­masyn is­ke asyrý má­se­lesi boıyn­sha Pre­zıdent Ákim­shiligi Bas­shy­sy­­nyń birinshi oryn­basary Marat Tájınniń já­ne elimizdegi sıfr­lan­dyrý máselesi boıynsha Aqparat jáne kom­mýnıkasııalar mınıstri Dáýren Abaevtyń esepteri tyńdaldy.

Sonymen birge, kún tártibine sáı­kes, óńirlerdi damytý máseleleri tal­qy­landy. Alǵashqy bolyp Astana qal­asynyń ákimi Á.Isekeshev sóz sóıledi. Qazaqstan Prezıdenti elordadaǵy kó­lik júktemesiniń problemalary­na, balabaqsha men mektepterde oryn­dar­dyń jetispeýshiligine nazar aýdardy. Á.Isekeshevten keıin sóz Almaty qalasynyń ákimi Baýyrjan Baıbekke berildi. Memleket basshysy qalanyń ekonomıkasyna shaǵyn jáne orta bız­nesti tartý, sondaı-aq ınfraqurylym sa­lý úshin jer men baspana alý úderisine qatysty máselelerge toq­taldy. Budan soń Aqmola oblysynyń ákimi Málik Myrzalın esep berdi. Nursultan Nazarbaev aýyl sha­rýa­shy­lyǵy ónimderin qaı­ta óndiretin kásip­oryndar júk­te­me­leriniń tómen ekenin aıtyp, «Nurly jol» baǵdarlamasy aıasynda óńirdiń týrıstik klasterin damytýǵa qarajat qarastyrýdy tapsyrdy.

Elbasy Aqtóbe oblysynyń ákimi Berdibek Saparbaevtyń baıandamasyn talqylaý barysynda keńeske qatysyp otyrǵan oblys basshylaryna birqatar áleýmettik jáne ekonomıkalyq jobalardy iske asyrýda osy óńirdiń táji­rı­besin qoldanýdy usyndy. Almaty oblysynyń damýy jónin­de óńir ákimi Amandyq Batalov baıan­dady. Qazaqstan Prezıdenti Ala­kól­diń týrıstik ınfraqurylymyn da­mytýdyń mańyzdylyǵyna nazar aýdardy. Nursultan Nazarbaev Atyraý ob­ly­synyń ákimi Nurlan Noǵaevtyń ese­­bin tyńdap, Batys Qazaqstan obly­­sy­nyń ákimi Altaı Kólginovke sóz berdi. Memleket basshysy oblysta ınvestısııa kóleminiń 21%-ǵa tómendegenin aıtyp, óńirge ınvestorlar tartý jónindegi jumystardy jandandyrý qa­jet ekenin atap ótti. Budan bólek, Qarashyǵanaq sanıtarlyq-qorǵaý aı­maǵyn keńeıtýge baılanysty Be­rezovka aýylynyń turǵyndaryn ýaq­­­tyly ári tolyq kóshirý máselesi tal­qylandy.

Odan keıin Jambyl oblysynyń ákimi Kárim Kókirekbaevtyń esebi tyń­daldy. Qazaqstan Prezıdenti oblystaǵy shaǵyn jáne orta bıznes ónimi kóleminiń tómendegenine toq­ta­lyp, turaqty nátıjeli jumyspen qa­mtýdy arttyrýdyń mańyzdylyǵyna nazar aýdardy. Nursultan Nazarbaev baıandama jasaǵan Qaraǵandy oblysynyń ákimi Erlan Qoshanovqa Qarajal, Jáırem kentteriniń turǵyndaryn sapaly aýyz sýmen qamtamasyz etý máselesin sheshýdi tapsyrdy. Elbasy Qostanaı oblysynyń ákimi Arhımed Muhambetovtiń baıandamasyn talqylaý barysynda óńirdegi bala ólimi problemalaryna nazar aýdardy. Sondaı-aq, Qyzylorda obly­synyń ákimi Qyrymbek Kósher­baev, Mańǵystaý oblysynyń ákimi Eraly Toǵjanov, Ońtústik Qazaqstan oblysynyń ákimi Janseıit Túımebaev, Shyǵys Qazaqstan oblysynyń ákimi Danıal Ahmetov, Pavlodar obly­synyń ákimi Bolat Baqaýov, Soltústik Qazaqstan oblysynyń ákimi Qumar Aqsaqalov baıandama jasady.

Nursultan Nazarbaev oblys­tar­dyń, Astana jáne Almaty qala­la­ry ákimderiniń baıandamalary men esepterin tyńdap, otyrysty qory­tyn­dylady. Sonymen qatar, eli­miz­di jáne óńirlerdi damytý baǵ­dar­lamalaryn iske asyrý jóninde bir­qatar naqty tapsyrma berdi. Memleket basshysy «Nurly jol» baǵdarlamasyn oryndaý turǵysynan oblystardaǵy avtomobıl joldary men áleýmettik nysandar qurylysynyń qarqyny tómen ekenin atap ótti. "Bıyl 109 bilim berý nysany qurylysyna 70 mıllıard teńge bólinip, onyń 70-sin osy jyly paıdalanýǵa berý josparlanǵan. Búginde tek 7 mektep pen 2 balabaqsha paıdalanýǵa berildi. Josparlanǵan bilim berý nysandarynyń kóp bóligi Almaty, Ońtústik Qazaqstan jáne Aqtóbe oblystaryna tıesili. Úkimet pen óńirlerdiń ákimderine jos­par­lanǵan barlyq nysandardy ýaq­ty­ly qol­danysqa engizý úshin qajetti sharalar qabyldaýdy tapsyramyn", dedi Qazaqstan Prezıdenti.

Elbasy «Nurly jer» baǵdarlamasy boıynsha turǵyndardyń kóp bóliginiń habarsyz ekenin jáne oǵan bankterdiń qatysý belsendiliginiń tómendigin aıtty. Nursultan Nazarbaev ındýs­trııa­lyq-ınnovasııalyq damý baǵdar­lamasynyń iske asyrylýynyń aralyq qorytyndysyn jasady, sondaı-aq ekonomıkamyzdy sıfrlandyryp, óndiriske jańa tehnologııalardy engizý qajettigin atap ótti. Budan bólek, Memleket basshysy básekege qabiletti eksporttyq óndi­ris­ti damytýdyń mańyzdylyǵyna nazar aýdaryp, eksporttyq strategııa- ny ýaqtyly iske asyrý qajet ekenin aıtty.

«Indýstrııalandyrý aıasyndaǵy basty másele – ınvestısııa tartý. Investorlar áli de ákimshilik kedergilerge tap bolýda. Ákimder óńirlerdegi óz jumystaryn qaıta qarap, belsendi qımyldaýy tıis», dedi Qazaqstan Prezıdenti. Elbasy ınvestorlar tartýda Jekeshelendirý josparyn is­ke asyrýdyń tıimdi ekenin aıtyp, Qazaqstannyń iri kompanııa­la­ryn memleketke meılinshe paıda túsirmeıinshe, aksııalaryn asy­ǵys­tyq­pen satpaýǵa shaqyrdy. Nursultan Nazarbaev jumyspen qamtý baǵdarlamasynyń tıimdiligin arttyrý qajettigine nazar aýdaryp, ákimderge óńirlerde turaqty jumys oryndaryn ashý jónindegi jumysty jandandyrýdy tapsyrdy. Sondaı-aq, Memleket basshysy bıyl jappaı kásipkerlikti damytýǵa 37 mıllıard teńge bólingenine qa­ra­mas­tan, shaǵyn nesıe berý jumys­ta­rynyń baıaý júrgizilip otyrǵanyn atap ótti. Qazaqstan Prezıdenti Úkimet pen ákimderge ahýaldy tereń zerttep, agroholdıngterdiń qaryzyna baılanysty máselelerdi sheshý jóninde naqty sharalar keshenin ázirleýdi tapsyrdy. Elbasy egin sharýashylyǵyn saq­tan­dyrýdy odan ári damytý, sonyń ishin­de ózara saqtandyrý qo­ǵam­da­ry­nyń jumysyn retteý jó­nin­de sharalar qabyldaýdyń ma­ńyz­dylyǵyn aıtty. Nursultan Nazarbaev «Rýhanı jańǵyrý» baǵdarlamasyn iske asyrý máselesine erekshe toqtalyp, onda kórsetilgen barlyq mindettiń jalpymemlekettik mańyzy bar ekenin atap ótti. «Qoǵamymyz jańǵyrýdyń bul baǵytyn jyly qabyldady. Bul rette, osy jumystarǵa barsha jurtty tartý qajet. Ákimder baǵdarlamanyń iske asyrylýyna jaýapty ekenin umytpaýy kerek», dedi Qazaqstan Prezıdenti.

Asqar TURAPBAIULY, «Egemen Qazaqstan»