О́skemende «Alash» qozǵalysynyń 100 jyldyǵyna oraı oblystyq tilderdi damytý basqarmasynyń uıymdastyrýymen qazaq, orys jáne aǵylshyn tilderin jetik meńgergen 21-29 jas aralyǵyndaǵy memlekettik qyzmetshiler men jas mamandar arasynda «Til sheberi» oblystyq baıqaýy ótti.
Sharaǵa óńirimizdiń aýdan, qalalaryndaǵy irikteý baıqaýlarynan súrinbeı ótken jeti jeńimpaz qatysty.
«Elimizde tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn júzege asyrý aıasynda ótkizilip otyrǵan bul sharanyń maqsaty – úsh tildi jetik meńgergen qabiletti jastarǵa qoldaý kórsetý arqyly memlekettik tildiń mártebesin kóterý, úshtuǵyrly til saıasatyn júzege asyrý. Jastar arasynda tildik qarym-qatynas mádenıetin qalyptastyryp, rýhanı birlikti nyǵaıtý», - deıdi oblystyq tilderdi damytý basqarmasynyń bólim basshysy Sáýle Qalıǵazına.
Saıys úsh kezeńnen turdy. Alǵashqy «Tusaýkeser» kezeńinde úmitkerler qazaq tilindegi suraqtarǵa jaýap berdi. Ekinshi «Ulttanym» kezeńinde qatysýshylar qazaq eliniń tarıhy men uly tulǵalary, elimizdiń aımaqtary jónindegi saýaldarǵa orys jáne aǵylshyn tilderinde jaýap qatyp, bilim-bilikterin ortaǵa saldy. Sońǵy sheshýshi «О́nertanym» kezeńinde qazaq, orys, aǵylshyn tilderindegi jańyltpashtardy jańylmaı úsh ret aıtýdan saıysqa tústi. Jarys qorytyndysy boıynsha qazylar alqasynyń sheshimimen Aıagóz qalalyq qazaq mektep-lıseıiniń pedagog-psıhology Móldir Mustafına júldeli I-oryndy, Zyrıandaǵy №9 orta mektebiniń aǵylshyn tili pániniń muǵalimi Abylaıhan Álmahanov II-oryndy, Rıdderdegi orta mekteptiń aǵylshyn tili pániniń muǵalimi Aısara Kenjebaeva III-oryndy ıelense, Semeı qalasy ákimi apparatynyń uıymdastyrý-ınspektorlyq jumys bóliminiń bas mamany Madııar Baıtabanov bas júldege ıe bolyp, óńirimizdiń «Til sheberi» atandy. Barlyq jeńimpazdar men saıyskerler sharany uıymdastyrýshylar tarapynan arnaıy dıplomdarmen, syılyqtarmen marapattaldy.
Azamat QASYM,
«Egemen Qazaqstan»
Shyǵys Qazaqstan oblysy.