Búgin Islam yntymaqtastyq uıymnyń ǵylym jáne tehnologııalar jónindegi birinshi sammıtinde Astana deklarasııasy qabyldandy
IYU sammıtiniń «21 ǵasyrdaǵy qoǵam ómirine ǵylym yqpalynyń artýy» taqyrybyndaǵy birinshi jumys otyrysyn qorytyndylaǵan Qazaqstan Prezıdenti Nursultan Nazarbaev bul máseleniń barsha adamzat úshin ózekti ekendigin atap ótti.
«Alaıda salany damytý úshin bul máselege qatysty birligimiz berik ekendigin ózge elderge tanyta bilýimiz kerek. Sammıttiń saıası qorytyndy qujaty Astana deklarasııasynyń qabyldanýy sol birligimizdiń dáleli bolýǵa tıis dep oılaımyn. Osy oraıda, Astana deklarasııasy qabyldandy dep jarııalaýǵa ruqsat etińizder. Ǵylym jáne tehnologııalar jónindegi birinshi sammıt deklarasııasynyń qabyldanýy bárimizge qutty bolsyn!», - dedi Elbasy Nursultan Nazarbaev.
Buǵan deıin habarlanǵandaı, 10-11 qyrkúıek kúnderi elordadaǵy Táýelsizdik saraıynda Elbasy Nursultan Nazarbaevtyń tóraǵalyǵymen Islam yntymaqtastyq uıymynyń ǵylym men tehnologııalar jónindegi birinshi sammıti ótýde. Sammıtke IYU-ǵa múshe elderdiń, sonymen qatar halyqaralyq jáne óńirlik uıymdardyń 80-ge jýyq delegasııasy qatysýda.