Qazaqstan Prezıdenti Islam Yntymaqtastyǵy Uıymynyń Ǵylym jáne tehnologııalar jónindegi sammıti aıasynda Venesýela Prezıdenti Nıkolas Madýromen kezdesti.
Kezdesý barysynda Memleket basshysy Venesýela Prezıdentiniń Qazaqstanǵa alǵash ret saparmen kelip otyrǵanyn atap ótti.
– Sizdiń Qazaqstan jerine kelgenińizge qýanyshtymyn. Búgingi sammıtke qatysqanyńyz úshin rızashylyǵymdy bildiremin. Elińizde bolyp jatqan oqıǵalar jóninde bilemiz, – dedi Nursultan Nazarbaev.
Nıkolas Madýro Nursultan Nazarbaevqa Qazaqstanǵa kelip, Islam Yntymaqtastyǵy Uıymynyń Ǵylym jáne tehnologııalar jónindegi sammıtine qatysýǵa múmkindik týǵyzǵany úshin alǵys aıtty.
Sondaı-aq, Venesýela Prezıdenti bul kezdesý ekijaqty qarym-qatynasty odan ári damytýǵa negiz bolatynyna senim bildirdi.