Parlament Senaty Halyqaralyq qatynastar, qorǵanys jáne qaýipsizdik komıtetiniń depýtattary elimizdiń Qorǵanys mınıstrligi Jaıaý áskerler áskerı ınstıtýtynda, Ulttyq qaýipsizdik komıteti Shekara qyzmetiniń akademııasynda bolyp, kýrsanttarmen jáne professorlyq-oqytýshylar quramymen kezdesti. Senatorlar kýrsanttardyń jaýyngerlik jáne jedel daıarlyǵynyń joǵary deńgeıin atap ótti.
Depýtattar kezdesý aıasynda bilim berý mekemeleriniń oqytý ádisteri men oqý-materıaldyq bazasymen tanysty, oqý synyptaryn, sport zaly men jataqhanasyn kórdi. Parlametshiler Qorǵanys mınıstrligi áskerı klınıkalyq gospıtalynda da boldy.
Komıtet músheleri sol kúni elimizdiń Ishki ister mınıstrliginiń Arnaıy maqsattaǵy bólimsheleriniń jaýyngerlik jáne ádistemelik daıarlyq ortalyǵynda da boldy. Áskerı qyzmetshilerdi daıarlaý jáne qaıta daıarlaýǵa arnalǵan ortalyqtyń ınfraqurylymy tanystyrylyp, jaýyngerlik-qyzmettik mindetterdi oryndaý jónindegi jattyǵýlar da kórsetildi.
Kóshpeli otyrysqa Almaty oblysynyń basshylary, qorǵanys mınıstriniń orynbasary, general-leıtenant T. Muhtarov, UQK Tóraǵasynyń orynbasary, Shekara qyzmetiniń dırektory, general-maıor D. Dilmanov jáne áleýetti mekemelerdiń áskerı qyzmetkerleri qatysty.