Fýtboldan Qazaqstan ulttyq quramasy 5-shi qazanda 2018 jylǵy Álem chempıonatynyń irikteý kezeńi aıasynda syrt alańda Rýmynııa quramasyna qarsy oınaıdy.
«E» tobynda synǵa túsip jatqan qos qurama byltyr elordadaǵy «Astana Arena» stadıonynda tuńǵysh ret jolyǵyp, teń tarqasqan. Toptaǵy týrnır kestesinde Qazaqstan quramasy eki upaımen sońǵy orynda keledi. Al qarsylastarymyz Rýmynııa quramasy bolsa, toǵyz upaımen tórtinshi orynda.
Qazaqstan quramasy toptaǵy sońǵy oıynyn 4-shi qyrkúıek kúni Polsha quramasyna qarsy oınap, 3:0 esebimen ese jibergen bolsa, Rýmynııa fýtbolshylary da ótken týrda upaı joǵaltty. Chernogorııada ótken matchta rýmynııalyqtar 0:1 esebimen jeńilgen.
Halyqaralyq fýtbol federasııasynyń (FIFA) reıtınginde fýtbolshylarymyz tamyz aıyndaǵy jaǵdaımen salystyrǵanda 21 saty tómendep, 126 orynǵa turaqtady. Al Rýmynııa quramasy 41 orynda keledi.
О́tken apta qurama bas bapkeri Aleksandr Borodıýk atalǵan oıynǵa shaqyrylǵan fýtbolshylardyń tizimin jarııalady:
Qaqpashylar: Davıd Lorııa («Ertis»), Stas Pokatılov («Qaırat»), Aleksandr Mokın («Astana»), Igor Shaskıı («Shahter»);
Qorǵaýshylar: Dmıtrıı Shomko, Iýrıı Logvınenko, Abzal Beısebekov (barlyǵy – «Astana»), Gafýrjan Súıimbaev, Eldos Ahmetov (ekeýi de – «Qaırat»), Temirlan Erlanov («Ordabasy»), Aleksandr Marochkın («Oqjetpes»), Vıktor Dmıtrenko («Shahter»), Dmıtrıı Mıroshnıchenko («Tobyl»);
Jartylaı qorǵaýshylar: Baýyrjan Islamhan, Islambek Qýat, (ekeýi de – «Qaırat»), Serikjan Mýjıkov, Ashat Taǵybergen (ekeýi de – «Astana»), Erkebulan Tuńǵyshbaev, Azat Nurǵalıev (ekeýi de – «Ordabasy»), Maqsat Baıjanov («Qaısar»), Aslan Darabaev («Ertis»);
Shabýylshylar: Roman Murtazaev («Astana»), Tańat Nóserbaev («Ordabasy»), Alekseı Shetkın («Tobyl»), Sergeı Hıjnıchenko («Shahter»).