2017 jylǵy ádebıet salasy boıynsha Nobel syılyǵyn Kadzýo Isıgýroǵa berý uıǵaryldy.
«Onyń emosıonaldy boıaýy qanyq romandarynda álem men adam arasyndaǵy názik baılanystardy kórsete bilgeni úshin marapattaldy», delingen.
Kadzýo Isıgýro 1954 jyly 8 qarashada Japonııanyń Nagasakı qalasynda týǵan. Ol bes jasqa tolǵan kezde otbasymen Birikken Koroldigine qonys aýdardy. Isıgýro 1970 jyldardyń sońynda Kent ýnıversıtetiniń aǵylshyn tili jáne fılosofııa fakýltetin bitirip, oqýdy Shyǵys Anglııa ýnıversıtetinde jalǵastyrdy.
Isıgýronyń shyǵarmashylyǵynda ótken estelikter men ýaqyt, ózin aldaý syndy sıpattar basym bolyp keledi. Sýretkerdiń mundaı dúnıetanymy Entonı Hopkıns fılm túsirgen «The Remains of the Day» (1989) atty tanymal romanynda baıqalady. Budan bólek «Never Let Me Go» (2005) eńbegi ǵylymı fantastıkalyq ereksheligimen daralanady. О́zge de áńgimeler jınaǵynan mýzyka tarıhy men mańyzy basty orynda kórinedi. Al 2015 jyly jazylǵan «The Buried Giant» atty keıingi romany oqyrmandar arasynda joǵary baǵaǵa ıe boldy. Jazýshynyń kóptegen shyǵarmalary aǵylshyn, nemis, fransýz, shved, ıspan tilderinde jaryq kórgen.
Ádebıet salasy boıynsha Nobel syılyǵy 1901 jyldan bastap berilip keledi. Byltyr amerıkalyq aqyn, mýzykant Bob Dılan laýreat atandy. Al 2015 jyly belorýssııalyq jazýshy Svetlana Aleksıevıch Nobel syılyǵyn alǵan on tórtinshi áıel atandy.
Aıa О́MIRTAI,
«Egemen Qazaqstan»