Táýelsizdik alǵannan beri qanshama oń ózgerister bolyp jatyr.
Osynyń bári elimizdiń derbestigin saqtaý úshin jasalyp jatqan tyń qadamdar. Bul memlekettiń tarıhı jańǵyrýy jáne rýhanı-mádenı damýy bolyp sanalady. Olaı bolsa Elbasymyzdyń bastamasyn qoldap, barlyǵymyz buǵan óz úlesimizdi meılinshe qosýymyz kerek. Latyn álipbıine kezeń-kezeńmen ótýge basymdyq berilýi kerek dep oılaımyn. Bul halqymyzdyń jańa álipbıdi jetkilikti meńgerýine jol ashady. Álemde qazir aǵylshyn tili halyqaralyq til bolyp sanalady. Latyn tili osy tildiń negizi. Bizdiń tarıhymyzda latyn da, tóte de, kırıllısa da boldy. Olaı bolsa qaı grafıka bolmasyn meńgerip ketýge eshbir kedergi joq dep oılaımyn. Bul kúnderi elimizdiń ishki jáne syrtqy saıasaty qalypty deńgeıde, jastarǵa qoldaý kórsetilip jatyr. Qazaqstannyń áleýetti elge aınalýynyń negizgi sebebi Elbasynyń kemeńgerligi men kóshbasshylyq qasıetinde jatyr. Shynymen de KSRO qulaǵan kezde 3 mln 600 myń adam Qazaqstannan údere kóshti. Bular endi ne isteı alady deısiń dep senimsizdik tanytqandar boldy. Biraq Elbasy bastaǵan kósh únemi alǵa umtyldy. 1995 jyly tamyzdyń 10-y kúni Elbasy usynysymen IýNESKO kóleminde Uly Abaıdyń týǵan kúnin toıladyq. Shırek ǵasyrda jetken belester kóp. Qandastarymyz elge oralyp, memlekettik tilde bilim beretin mektepter sany kóbeıdi. Memleket basshysynyń búginde stýdentterdiń 60 paıyzy, mektep oqýshylarynyń basym bóligi qazaq tilinde oqyp jatyr degeni kóńilge qýanysh uıalatty.
Iаdrolyq qarýdyń synaǵynan Semeı jeriniń ekologııasy jutap, halqy densaýlyq jaǵynan zardap shekti. Búginde álemde soǵys týraly óte kóp aıtylady jáne kún saıyn terrorızmniń qaýpi de tónip turǵany jasyryn emes. Elbasynyń bastamasymen beıbitshilik pen qaýipsizdik úshin búkil álem bolyp kúresýdemiz. Ekonomıkalyq, saýda, mádenı qatynastar ornaǵan kezde, soǵysý, bólshektený degen máseleler oryn almaıtyny ras. Jahandaǵy antııadrolyq qozǵalystar Prezıdenttiń kóshbasshylyǵymen jáne Semeı tarıhymen tikeleı baılanysty. Memleket basshysynyń kóptegen mańyzdy bastamalary sátti júzege asyp keledi. «Adamzattyń bárin súı, baýyrym dep» uly Abaı aıtqan danalyq bıik deńgeıden Nursultan Ábishuly Nazarbaev kórine bilgen jan. Elbasynyń ár Joldaýyn, ár tapsyrmasyn joǵary baǵalaımyn. О́ziniń baǵdarlamalyq maqalasynda Elbasy «Sonymen birge, jańǵyrý uǵymynyń ózi meılinshe kónergen, jahandyq əlemmen qabyspaıtyn keıbir daǵdylar men ədetterden arylý degendi bildiredi. Mysaly, jershildikti alaıyq. Ərıne týǵan jerdiń tarıhyn bilgen jəne ony maqtan etken durys. Biraq odan da mańyzdyraq məseleni – ózińniń birtutas uly ulttyń perzenti ekenińdi umytýǵa əste bolmaıdy», dep jazypty. El qorǵaǵan batyrlarymyz da, handarymyz ben Baýyrjan Momyshuly, Qasym Qaısenov, Talǵat Bıgeldınovteı tulǵalarymyz da bir Otan, bir el, týǵan jer dep tize qosyp, birge soǵysty. Beıbit ómir úshin jantalasty. Olardyń yntymaǵy, birligi qazirgi jastarymyzǵa aıryqsha úlgi bolýy kerek.
Nádirbek Ápsalıamov, Qazaqstan ınnovasııalyq ýnıversıtetiniń prezıdenti,
ekonomıka ǵylymdarynyń doktory, professor
Semeı