19 qazanda Eýropa Lıgasy toptyq kezeńiniń 3-týry aıasynda ótetin «Astana» - «Makkabı» komandalary arasyndaǵy oıynnyń jankúıerlerin kólikpen qamtamasyz etý maqsatynda «Astana Arena» stadıonyna deıin arnaıy avtobýstar uıymdastyrylatyn bolady, dep habarlaıdy Astana ákimdiginiń medıa ortalyǵy.
Fýtbol oıynyn tamashalaımyn deýshilerdi 19 qazanda saǵat 19:00-den 20:00-ge deıin «Qazaqstan» SK, «Nur Astana» meshiti, «Jastar» saraıy, «Astanalyq sırk» turaqtarynda jınaıtyn bolady. Júrý quny - 90 teńge, júrý bıletteri men jeńildigi bar bıletter - jaramsyz.
Aıta keteıik, jankúıerlerdi qalaǵa aparatyn avtobýstar da uıymdastyrylady. Olardy qoǵamdyq kólikter saǵat 22:30-da Qabanbaı batyr dańǵylyndaǵy stadıon turaǵy men «Astana Arena» aıaldamasynan áketedi. Budan basqa, jankúıerler qalaǵa № 10, 12, 28, 40, 51, 303 marshrýttyq avtobýstarymen de keri qaıta alady.