Kórermenge usynylatyn keremetter

Sharaǵa Q.Qýa­nyshbaev atyndaǵy memlekettik akademııalyq qazaq mýzykaly drama teatrynyń dırektory Aıbolat Seksenbaev, M.Gorkıı atyndaǵy memlekettik akade­mııalyq orys drama teatrynyń bas­shysy Erkin Qasenov jáne Jas­tar teatrynyń jetekshisi Ernar Ju­ma­taev qatysty. Teatr basshylary jańa maýsymdaǵy josparlarymen bólisip, BAQ ókilderiniń saýaldaryna jaýap berdi.

Q.Qýanyshbaev atyndaǵy mem­­le­kettik akademııalyq qazaq mýzy­ka­ly drama teatrynyń dırektory Aıbolat Seksembaev aldaǵy ýa­qytta jas dramatýrgtermen, jas re­­jısserlermen jumys istemek jos­parlary bar ekenin jetkizdi. «Búgingi jıyn barysyn paıdalana otyryp, jas dramatýrgtermen jumys isteý nıetimiz bar ekenin aıtqym keledi. Ásirese komedııa janrynda izdenip júrgen jas dramatýrgter bolsa, shyǵarmalarymen tanysýǵa, tal­qylaýǵa nıettimiz», dedi. Ol sondaı-aq­ búgingi zamannyń kelbetin dál beı­neleıtin shyǵarmalarǵa da teatr tarapynan suranystyń bar ekenin aıtty.

Q.Qýanyshbaev atyndaǵy mem­­leket­tik akademııalyq qazaq mýzy­kaly drama teatry jańa maýsymyn 26 qazan kúni M.Áýezovtiń «Abaı» tragedııasymen ashady. Spektakldiń qoıý­shy rejısseri – Qazaqstannyń eńbek sińirgen qaıratkeri Álimbek Orazbekov. «Abaı» tragedııasynda Abaıdyń aǵalyq jastaǵy rólin Qazaqstannyń halyq ártisi Tilektes Meıramov somdasa, jas Abaıdy  Qazaqstannyń eńbek sińirgen qaı­ratkeri Nur­ken О́teýilov oınaıdy. «Bıylǵy jyl­dyń josparynda qyzyqty, tar­tymdy spektaklder mol bol­maq. Kórermenderimiz Shámshi beı­­nesimen qaýyshatyn bolady. Oral­han Bókeıdiń shyǵarmalaryn sahnaǵa shyǵarýdy josparlap otyrmyz. Respýblıkalyq festıvaldarǵa, shetelderde ótetin álemdik deńgeıdegi óner báıgelerine qatysý da josparymyzda bar», dedi teatr dırektory A.Seksenbaev. Ol ótken jyldyń birshama jetistikterimen de tanys­tyryp ótti. Onyń ishinde teatr ártisteriniń túrli ataq-marapattardy ıelenýi, teatr spektaklderiniń festıvaldarda mamandar tarapynan joǵary baǵalanýy áńgime arqaýyna aınaldy. 

Jıyn barysynda M.Gorkıı atyn­daǵy orys drama teatry 117-shi­ teatr maýsymyn búgin, ıaǵnı 25 qazan kúni A.S.Pýshkınniń «Ev­ge­nıı Onegın» premeralyq qoıy­lymymen ashatyny belgili boldy. Son­daı-aq teatrdyń jańa maýsy­my elordamyz Astana qalasynyń 20 jyldyǵyna arnalmaq. Osy ýa­qytta ujym F.Dostoevskııdiń «Aǵa­ıyndy Karamazovtar», A.Ek­zıýperıdiń «Kishkentaı hanzada» týyn­dylarynyń jańa qoıylymyn sah­nalaýdy josparlap otyr. 

Al Jastar teatrynyń qurylǵa­ny­na bıyl on jyl bolady. Sondaı-aq onyń kórkemdik jetekshisi ári bas re­jısseri Nurqanat Jaqypbaı 70 jasqa keldi. Osyǵan oraı 25 qazan men 1 qarasha kúnderi aralyǵynda «Ja­narymdaǵy jalǵyz áýen» atty Jastar teatrynyń úzdik mýzykalyq qoıylymdar festıvali ótpek. Teatr basshysy festıval aıasynda akter sheberligi, sahna qozǵalysy, sahna tili jáne vokal baǵyty boıynsha akterlerdiń kásibı biliktiligin arttyrýǵa arnalǵan sheberlik sabaqtar ótetinin málimdedi.

Aıgúl SEIIL, «Egemen Qazaqstan»