Túrkııanyń Mersın qalasyna Qazaqstannan Baký-Tbılısı-Kars (BTK) baǵyty arqyly jiberilgen alǵashqy poıyz kelip toqtady. Bul týraly Anadoly agenttigi habarlady.
Poıyz Mersın qalasyna 600 tonna bıdaı tıelgen 30 konteınerdi jetkizdi. Kars pen Mersın aralyǵy 1258 km, poıyz ony 30 saǵatta júrip ótti.
BTK jelisi resmı túrde 30 qazan kúni Alıaty aýylyndaǵy portta (Bakýden 90 km jer) ashylǵan bolatyn. Saltanatty sharaǵa Túrkııa prezıdenti Rejep Taııp Erdoǵan, Ázerbaıjan prezıdenti Ilham Alıev, Qazaqstan, О́zbekstan jáne Grýzııa Premer-Mınıstrleri Baqytjan Saǵyntaev, Abdýlla Arıpov jáne Georgıı Kvırıkashvılı qatysty.
Baký-Tbılısı-Kars temirjol baǵyty ázerbaıjan-grýzın-túrik memleketaralyq kelisiminiń negizinde salynǵan. Jobany júzege asyrý 2008 jyly bastaldy.Joba aıasynda Grýzııanyń Ahalkalakı stansııasynan Kars qalasyndaǵy temirjol stansııasyna deıin temirjol jelisi salynǵan bolatyn.
BTK-nyń uzyndyǵy 826 km-di quraıdy.