Mahambet aýdanynda salynyp jatqan kópir jańa kólik dəlizin qurýǵa jəne oblys ortalyǵyn keptelisten azaıtýǵa múmkindik beredi. Qurylys barysyn oblys əkimi Nurlan Noǵaev tekserdi.
Jaıyq ózeni arqyly ótetin jańa kópir 180 tonna júk kóteredi, uzyndyǵy - 860 metr, eni - 13 metr. Kirme joldyń jalpy uzyndyǵy - 8,5 shaqyrym. Kópir biregeı qurylym boıynsha - tolyqtaı betonnan, tireksiz jasalǵan.
Qazir nysanǵa avtokólik joly salynǵan. Qurylys alańynda jumys tıimdi bolý úshin mobıldi beton zaýyty ornatyldy. Júretin jol eki jolaqtan turady, kópir boıynda jaıaý júrginshiler joly qarastyrylǵan.
Aımaq basshysy jańa kópir qurylysy óńirdegi shaǵyn jəne orta bıznestiń damýyna serpin berip, avtokólikterge jańa kólik dəlizin ashatynyn atap aıtty. Kópir qurylysy 2018 jyly aıaqtalady dep josparlanyp otyr.
Nurlan Noǵaev sonymen birge eski Saraıshyq qalasynyń aýmaǵynda júrip jatqan jaǵany bekitý jumystaryn da baryp kórdi.
Qorǵanys bógeti qurylysy 2016 jyly bastaldy, 2018 jyly aıaqtalady. Bóget bıiktigi 3 metr, uzyndyǵy - 1500 metr. Bul bóget kóne qala ornyn sý tasqynynan qorǵaıdy. Eki nysandy aralaǵan oblys əkimi Nurlan Noǵaev jaýapty tulǵalarǵa naqty tapsyrmalar berdi.
Baqytgúl Babash,
«Egemen Qazaqstan»