Qyzylorda oblystyq N.Bekejanov atyndaǵy mýzykalyq-drama teatrynda aqyn, dramatýrg, QR Memlekettik syılyǵynyń jáne "Parasat" ordeniniń ıegeri, "Platınaly Tarlan" táýelsiz syılyǵynyń laýreaty Iran Ǵaıyptyń 70 jas mereıtoıyna oraı "Bu dúnıe ǵaıyby" atty shyǵarmashylyq keshi ótti.
Iranbek Ábitaıulynyń shyǵarmashylyǵy qazaq poezııasynyń altyn qoryna engen. Ol 30-ǵa jýyq dramalyq poemanyń avtory. Onyń kóbi Qazaqstan ǵana emes shet elderge de tanymal. Máselen, "Shyńǵyshan", "Abylaı han", "Qorqyttyń kóri" t.b. týyndylary birneshe shet tilderine aýdarylǵan.
«Qorqyttyń kóri" óleńder jınaǵy úshin Iranbek Ábitaıuly 2002 jyly QR Memlekettik syılyǵyn ıelendi. Sondaı-aq, táýelsiz Qazaqstan týraly jazba músháırasynda gran-prı júldesine ıe boldy. «EKSPO-2017" kórmesi aıasynda Astanada ótken Qyzylorda oblysynyń mádenıeti kúnderi sheńberinde Iran Ǵaıyptyń mereıtoıy atalyp ótildi. Astanalyqtarǵa "Qorqyt" spektaklin qoıdyq jáne Qyzylorda oblysynyń qurmet gramotasyn tapsyrdyq», - dedi oblys ákimi Qyrymbek Kósherbaev.
Kesh barysynda aqynnyń oqyrmandary, dostary men týǵandary mereıtoı ıesin quttyqtap, jyly lebizderin jetkizdi.
Anyqtama úshin: Orazbaev Iranbek Ábitaıuly (shyǵarmashylyq psevdonımi – Iran Ǵaıyp) Qyzylorda oblysy, Syrdarııa aýdanynda dúnıege kelgen. 1970 jyly Qazaq polıtehnıkalyq ınstıtýtynyń taý-ken fakýltetin aıaqtap, 1980 jyly M.Gorkıı atyndaǵy Mádenıet ınstıtýtynyń joǵary kýrsyn bitirdi. «Júrek jyrlaıdy» (1974 j.), «Jeti qazyna» (1977 j.), «Túnniń kózi» (1979 j.), «Sulýlyqpen syrlasý» (1980 j.), «О́mir-О́leń» (1982 j.), «Sulýlyq sarasy» (1985 j.), «Dúnıejaryq» (1987 j.), «Batqan Kemeniń Beıbaqtary» (1990 j.), «Munar, Munar, Munarym...» (1992 j.), «Iran baǵy» (1995 j.), «Sóz patshalyǵy» (1996 j.), «Jyr álemi» (1996 j.), «Qorqyttyń kóri» (2001 j.). kitaptarynyń avtory.