Qostanaı oblysy ákiminiń ókimimen Taran aýdanynyń jańa ákimi taǵaıyndaldy.
Bul qyzmetke Qýandyq Haıdaruly Esbergenov keldi. Ol osy ýaqytqa deıin Aqmola oblysy Bulandy aýdanynyń ákimi qyzmetin atqaryp kelgen.
Qýandyq Haıdaruly 1970-jyly týǵan, eki joǵary bilimi bar. 1996 jyly ınjener-qurylysshy biliktiligi boıynsha Rýdnyı ındýstrııaldy ınstıtýtyn, 2002 jyly zańger mamandyǵy boıynsha Qostanaı áleýmettik akademııasyn bitirdi.
Eńbek jolyn Jitiqara aýdany Dzerjınskıı atyndaǵy keńsharda jumysshy bolyp bastady.
2002 jyly shilde men 2008 jylǵy qarasha aralyǵynda Jitiqara aýdany ákiminiń orynbasary, 2008 jylǵy qarasha men 2013 jylǵy maýsym aralyǵynda Jitiqara aýdanynyń ákimi bolyp jumys istedi. 2014 jylǵy qańtardan bastap, maýsym aıyna deıin Qostanaı oblysy sáýlet jáne qala qurylysy basqarmasy basshysynyń laýazymyn atqardy.
«Qurmet» ordenimen, «Astananyń 10 jyldyǵy», «Qazaqstan Respýblıkasynyń táýelsizdigine 20 jyl» mereıtoı medaldarymen nagradtaldy.