Qazaqstan ulttyq fýtbol quramasy jańartylǵan Halyqaralyq fýtbol federasııasynyń (FIFA) reıtınginde óz pozısııasyn jaqsartty. Bul kórsetkishke Astanada ótken FIFA Series týrnırindegi sátti oıyndar tikeleı áser etti, dep habarlaıdy Egemen.kz.
Reıtıngtiń 1 sáýirde jarııalanǵan jańa nusqasyna sáıkes, Qazaqstan quramasy 110-orynǵa kóterildi. Buǵan deıin komanda birneshe saty tómenirek turǵan edi.
Atalǵan týrnırde Talǵat Baısýfınov baptaıtyn ulttyq qurama eki mańyzdy jeńiske jetti:
Namıbııa quramasyn 2:0 esebimen jeńdi; Komor araldary komandasyn 1:0 esebimen utty.Dastan Sátpaev álemniń úzdik 50 jas fýtbolshysynyń qataryna endi
Osy nátıjeler Qazaqstannyń reıtıngte 112-orynǵa kóterilýine múmkindik berdi. Keıin Nıger men Tanzanııa quramalarynyń tómendeýine baılanysty Qazaqstan taǵy eki satyǵa joǵarylap, qazirgi 110-orynǵa turaqtady.
Mańyzdysy, bul týrnır joldastyq sıpatta bolǵanymen, onda medaldar men kýbok sarapqa salyndy. Sonyń nátıjesinde Qazaqstan quramasy FIFA Series týrnıriniń jeńimpazy atanyp, óz tarıhyndaǵy alǵashqy trofeıin jeńip aldy.
«Atyraý» fýtbol klýby da jekeshelenedi
Bul jetistik ulttyq quramanyń sońǵy jyldardaǵy damýy men oıyn sapasynyń jaqsarǵanyn kórsetedi. Sarapshylardyń pikirinshe, mundaı jeńister komandaǵa senimdilik berip, halyqaralyq arenadaǵy bedelin arttyra túsedi.