Táýelsizdik merekesine oraı Astanada aqparat salasynda tabandy eńbek etip júrgen kil úzdikter marapattaldy. Merekelik sharada sóz alǵan Aqparat jáne kommýnıkasııalar mınıstri Dáýren Abaev qazaqstandyqtardy ataýly merekemen quttyqtaı kele, el damýynyń turaqtylyǵyn tilge tıek etti.
«Ne nársege qol jetkizsek te barlyǵy táýelsizdiktiń arqasynda kelip otyr. Egemendik bolmasa, búgingi taǵdyrymyz basqa arnada aqqan bolar edi. Biz muny baǵalaý kerekpiz. Bul tarapta Elbasymyzdyń da alar orny erekshe», degen mınıstr búgingi sharanyń mańyzy zor ekendigine toqtalyp ótti.
«Búgingi marapattyń artynda sizderdiń jyldar boıǵy qajyrly eńbekterińiz jatyr. Aqparat jáne kommýnıkasııalar mınıstrliginiń atynan barshańyzdy osy bir aıaýly merekemen shyn júrekten quttyqtaımyn. Bizdiń táýelsizdik jyldaryndaǵy jańa dáýirimiz endi bastaldy», degen Dáýren Abaev jýrnalıstıkada qajyrly eńbek etip kele jatqan úzdikterdi ortaǵa shaqyryp, arnaıy marapat kórsetti.
«Egemen Qazaqstan» RG» AQ sholýshysy Jylqybaı Jaǵypparulyna Qurmet ordeni tabystalsa, «Qazaqstan» RTRK» AQ Basqarma tóraǵasynyń birinshi orynbasary Lázzat Oljabaı qyzy QR Qurmet gramotasymen marapattaldy. Al «KAZsport» telearnasynyń dırektory Pavel Sybýlın Eren eńbegi úshin medalin keýdesine taqty. «Aqparat salasynyń úzdigi» tósbelgisimen «Baq.kz» aqparattyq agenttiginiń bas redaktory Erjan Ábdiraman, «Ile óńiri-Ilı távásı» gazetiniń bas redaktory Ábdýmanap Ablızov, «Taldaý jáne aqparat ortalyǵy» RMK dástúrli BAQ monıtorıng departamenti aımaqtyq BAQ Basqarmasynyń bastyǵy Sábına Asanbekova, «Qazaqparat» HAA JShS qazaq redaksııasynyń shyǵarýshy redaktory Gúlmıra Álıakparova, «Qazaqstan» RTRK» AQ «Parasat maıdany» baǵdarlamasynyń avtory jáne júrgizýshi Darhan Ábdik, «Arqa ajary» gazetiniń bas redaktorynyń orynbasary Baıqal Baıádilov, OKQ taldaý RMM Basqarmasynyń bas sarapshysy Malıka Bolatqazyqyzy, «Qazaqstan» RTRK» AQ Qaraǵandy oblystyq fılıalynyń dırektory Berik Dúısetaı, «Qazaqstan» RTRK» AQ Kommersııalyq qyzmet jónindegi departamenti Almaty qalasyndaǵy satý bóliminiń bastyǵy Quzatbek Esjanov, Strategy2050.kz aqparat agenttiginiń bas redaktory Dáýlethan Jıenqulov, «Habar 24» arnasy jańalyqtar bóliminiń tilshisi Amankeldi Seıithanov, «Balapan» telearnasynyń dırektory Janar Shámel, «Qazaqstan» RTRK» AQ Qyzylorda fılıalynyń dırektory Jaǵyppar Qarabala, «Qazaqparat» HAA JShS kontent jáne jyljytý Basqarmasynyń bastyǵy Nurgúl Kenjebekova, «Egemen Qazaqstan» RG» AQ saıasat jáne quqyq bóliminiń sholýshysy Álısultan Qulanbaı, «Kazahstanskaıa pravda» RG» AQ saıasat bóliminiń sholýshysy Iýlııa Mager jáne osy gazettiń óndiris bóliminiń sholýshysy Ásel Muqanova marapattalsa, «Egemen Qazaqstan» RG» AQ aǵa tilshisi Dınara Bitik jáne ózge de medıa salasynyń júırikteri Aqparat jáne kommýnıkasııalar mınıstrliginiń maqtaý qaǵazyna ıe boldy.
Aıa О́MIRTAI,
«Egemen Qazaqstan»