Jańa jyldyń qarsańynda QR Tuńǵysh Prezıdenti – Elbasynyń Qory balalarǵa arnalǵan jyl saıynǵy qysqy sport festıvalin uıymdastyrdy. Qysqy jarysqa Aqmola, Qaraǵandy, Pavlodar, Qostanaı, Soltústik Qazaqstan oblystarynyń jáne Astana qalasynyń kóp balaly otbasylardyń balalary jáne balalar úıleriniń tárbıelenýshileri qatysty.
Is-sharany ótkizýdiń negizgi maqsaty: dene tárbıesi men sportty nasıhattaý, buqaralyq sporttyq is-sharalardy uıymdastyrý arqyly balalardyń salaýatty ómir salty mádenıetin qalyptastyrý.
Jarys «Aqbozat» demalys aımaǵynda ótti, bul kúni ol Aıaz Atanyń rezıdensııasyna aınaldy, onda balalar shaıbaly hokkeı, shańǵy estafetasy, nysanaǵa qar laqtyrý, karel jarysy jáne qarmen músin salý boıynsha saıysqa túsýmen qatar, qarda júrgishpen jáne shanamen syrǵanap oınady.
Tanymal hokkeıshi, «Barys» hokkeı klýbynyń oıynshysy Naıdjel Doýs is-sharanyń qadirli qonaǵy boldy. Mýzyka, tátti tamaq, sondaı-aq syılyqtar sporttyq is-sharany naǵyz merekege aınaldyrdy.
QR Tuńǵysh Prezıdenti - Elbasy Qorynyń atqarýshy dırektorynyń orynbasary - Sultan Aıtjanov óziniń quttyqtaý sózinde: «Osyndaı is-sharalar arqyly biz balalardy bir-birimen dos bolýǵa, sportpen shuǵyldanýǵa degen yntazarlyǵyn arttyrǵymyz keledi. Sport balalarǵa komandalyq rýhty tárbıeleýge, olardyń birligin nyǵaıtýǵa, maqsattaryna jetýlerine, básekege qabilettigin arttyrýǵa oń yqpalyn tıgizedi», - dedi.
Baıqaý qorytyndysy boıynsha jeńimpazdar anyqtaldy. «Shaıbaly hokkeı» boıynsha 1-shi oryndy Astana qalasynyń №30 orta mektebiniń «Barys» komandasy jeńip aldy, 2-shi oryndy Aqmola oblysynyń «Arystan» komandasy ıelendi, 3-shi oryndy Astana qalasynyń № 37 orta mektebiniń «Saryarqa» komandasy jeńip aldy.
«Nysanaǵa qar laqtyrý» boıynsha 1-shi oryndy Astana qalasynyń №16 orta mektebiniń «Vympel» komandasy ıelense, 2-shi orynda - Soltústik Qazaqstan oblysynyń «Aıyrtaý» komandasy, al 3-shi oryndy - Qostanaı oblysynyń «Qostanaılyqtar» komandasy ıelendi.
«Karel jarysy» boıynsha 1-shi oryndy Aqmola oblysynyń «Arystan» komandasy jeńip aldy, 2-shi oryndy - Astana qalasynyń №27 orta mektebinen «Aıý» komandasy, al 3-shi oryndy Qaraǵandy qalasynyń «Jas Qyran» komandasy ıelendi.«Shańǵy estafetasy» boıynsha 1-shi oryndy Qaraǵandy qalasynan «Jas Qyran» komandasy jeńip alsa, 2-shi oryndy Pavlodar qalasynyń «Saryarqa» komandasy, al 3-shi orynda - Qostanaı oblysynyń «Qostanaılyqtar» komandasy ıelendi.
«Qarmen músin salý» boıynsha 1-shi oryn Aqmola oblysynyń «Arystan» komandasynan Davletın Dmıtrııge, 2-shi oryn - Qostanaı oblysynyń «Qostanaılyqtar» komandasynan Nedoseıkına Alenaǵa, 3-shi oryn - Astana qalasynyń №16 orta mektebiniń «Vympel» komandasynan Qaramysov Dıasqa berildi.Komandalyq esep boıynsha 1-shi oryndy Aqmola oblysynan «Arystan» komandasy, 2-shi oryndy Qaraǵandy qalasynan «Jas Qyran» komandasy, al 3-shi oryndy Astana qalasynyń №16 orta mektebinen «Vympel» komandasy ıelendi.
Qysqy festıvalge 200 - ge jýyq bala qatysty. Jarysqa 10 jastan 14 jasqa deıingi jas sportshylardan quralǵan 5 óńirlik jáne 4 elordalyq komanda qatysty. Aımaqtyq qatysýshylardyń jalpy sany 110 bolsa, Astana qalasynan 88 mektep oqýshysy qatysty. Tuńǵysh Prezıdent qory jyl saıyn balalarǵa arnap túrli sporttyq is-sharalardy ótkizedi. Onyń ishinde qysqy sport festıvali, birinshi paralımpııalyq starttar, «Aman keleshek» festıvalin atap ótýge bolady.