Ústimizdegi jyldyń 10 qarashasynda Dýshanbe qalasynda TMD-ǵa múshe memleketterdiń barlaý qyzmetteri men qaýipsizdik organdarynyń jetekshileri keńesiniń HII otyrysy ótip, onyń jumysyna QR «Syrbar» SBQ delegasııasy qatysty.
Atalǵan forýmda keńeske qatysýshylar yntymaqtastyqtyń kókeıtesti máselelerin talqylap, halyqaralyq terrorızm men dinı ekstremızmge, onyń taralýyna jáne TMD-ǵa qatysýshy el azamattarynyń radıkaldy uıymdardyń jumystaryna tartylýyna qarsy kúres salalarynda kópjaqty da, ekijaqty da birikken is-sharalardyń belsendi túrde júrgizilý qajettigin atap ótti.
Keńes jumysynyń nátıjesi boıynsha qorytyndy qujat – memorandým qabyldandy, onda qatysýshylar atalǵan teris áreketterge birge qarsy turýǵa daıyn ekendikterin bildirdi.
«Egemen-aqparat».