Ortaq máseleler aıtyldy

Keshe Syrtqy ister mınıstri Erjan Qazyhanov Ekonomıkalyq yn­ty­maq­tastyq uıymynyń Bas hatshysy Muhammed Marýfımen kezdesti. Kezdesý barysynda Qazaqstan syrt­qy saıasat vedomstvosynyń basshysy Qazaqstan EYU-ǵa múshe bolǵan kezden bastap, ártúrli formattaǵy ynty­maq­tastyq úderisterinde ózin belsendi ta­nytyp, uıymǵa múshe elderdiń «EYU-nyń 2015 jylǵa deıingi keleshegi» atty baǵdarlamalyq qujatty júzege asy­rýǵa baǵyttalǵan bastamalaryn tutas­taı qoldap keledi dep atap ótti. Barshaǵa málim, 2005 jyly Astanada qabyldanǵan qujatta ártúrli 12 sanatqa jatatyn, sonymen qosa saýda-sattyq, kólik, energııa, ónerkásip jáne aýyl sharýashylyǵyndaǵy yntymaqtas­tyq máseleleri belgilengen bolatyn. E.Qazyhanov Ortalyq Azııany gıdroresýrstarmen qamtamasyz etýdiń ózek­ti máselelerine toqtala kele, EYU elderinde sý resýrstaryn basqarý jó­nin­de ortalyq qurýǵa bizdiń elimizdiń qoldaýyn bildirdi. Sonymen qatar, «ja­syl ekonomıkaǵa» jáne jańa teh­nologııaǵa ınvestısııalar jańa eko­no­mıkanyń negizin quraıdy. Atap aıt­qan­da, Qazaqstannyń Syrtqy ister mınıstri EYU basshysyn kúzde Astanada ótetin «Eýropa úshin qorshaǵan orta» atty 7-shi mınıstrler konferen­sııa­synda usynylatyn 2011-2020 jj. ar­nal­ǵan «Jasyl kópir» óńiraralyq baǵ­darlamasyn júzege asyrý isine uıym­nyń úlesin qosýǵa shaqyrdy. Uıymǵa kiretin barlyq 10 memleket qazirgi tańda Syrtqy ister mınıstr­leriniń keńesinde Qazaqstan tóraǵalyq etip otyrǵan Islam yntymaqtastyq uıy­mynyń músheleri, dep habarlady Syrtqy ister mınıstrliginiń baspasóz qyzmeti.