Quqyq pen bostandyqqa arnaldy

Memleket basshysy ja­nyn­daǵy Adam quqyqtary jónin­de­gi komıssııa el Táýelsizdiginiń 20 jyldyǵyna arnap «Adam qu­qyqtaryn qorǵaýdyń halyq­ara­lyq jáne ulttyq tetikteri tý­ra­ly» halyqaralyq dóńgelek ústel ótkizdi. Dóńgelek ústeldiń jumy­sy­na Prezıdent Ákimshiliginiń, zań shyǵarýshy, atqarýshy jáne sot bıligi ókilderi, advokattar, belgili zańger-ǵalymdar, halyq­ara­lyq uıymdar men dıplo­ma­tııa­lyq ókildikterdiń basshy­la­ry, bilim berý, ǵylym jáne má­de­nıet, densaýlyq saqtaý uı­ym­darynyń, sondaı-aq úkimettik emes uıymdardyń ókilderi, «As­tana» ýnıversıtetiniń oqy­tý­shy­lary men stýdentteri qatysty. Onda Komıssııa tóraǵasy Saǵynbek Tursynov, «Astana» ýnıversıtetiniń rektory Erkin Ońǵarbaev, EQYU-nyń Astana­da­ǵy ortalyǵy basshysynyń orynbasary Jannet Kletser hanym, Ulybrıtanııanyń Qa­zaq­standaǵy elshisiniń orynbasary Djon Terloý myrza sóz sóıledi. Olar Qazaqstannyń adam qu­qyqtaryn saqtaý men qor­ǵaý­da jáne demokratııalyq negiz­der­diń irgetasyn qalaýda jetken jetistikterdi atap ótip, Birikken Ulttar Uıymynyń adam quqyqtaryn qorǵaýǵa qatysty qabyldaǵan 60-tan astam kóp­jaqty ámbebap kelisim-shart­ta­ryn ratıfıkasııalaǵanyn aıt­ty. Qazaqstan ratıfıkasııalaǵan Aza­mattyq jáne saıası eko­no­mıkalyq, áleýmettik jáne máde­nı quqyqtar týraly paktiler jáne BUU-nyń adam quqyqtary salasyndaǵy basqa da sharttary elimizdiń ulttyq zańnamasynyń ajyramas bir bóligi bolyp sanalady. Qazaqstandy álem elderi naryqtyq ekonomıkasy da­myǵan, demokratııalyq úrdis­ter­di ilgerilemeli túrde iske asy­ryp jatqan, adam quqyq­tary men bostandyqtaryn jo­ǵary qundylyq retinde sa­naı­tyn el retinde tanyp otyr. Dóńgelek ústelge qaty­sý­shy­lar elimizdegi adam quqyq­taryn qorǵaýdy odan ári jaq­sar­ta túsý úshin memlekettik organdar men úkimettik emes uı­ymdardyń kúshterin biriktire otyryp, Adam quqyqtary men bostandyqtaryn qorǵaý jáne qam­tamasyz etý jónindegi tu­jy­rymdama nemese Adam qu­qyq­taryn qorǵaýdyń jańa ulttyq is-qımyl josparyn ázirleý kerektigin aıtty. «Egemen-aqparat».