«Nur Otan» óner salasyn damytýdy qoldaıdy

Qazaqstandaǵy teatr óneriniń qazirgi jaǵdaıy men bolashaǵy «Nur Otan» halyqtyq-demokratııalyq partııa­synyń Ortalyq apparatynda ótken mádenıet pen ónerdi damytý jónindegi «Mıras» qoǵamdyq keńesiniń kezekti otyrysynda talqylandy. Búgingi kúni Qazaqstanda 60-tan astam teatr bar. Onyń kóbi Elbasy Nur­sul­tan Na­zarbaevtyń qoldaýy­nyń arqa­syn­da táýelsizdik alǵannan keıin ashyldy. Ha­lyqtyń rýhanı ómirinde jáne eldiń damý úrdisinde óner óte úlken ról atqarady. Sondyqtan da máde­nıet qaı­ratkerleri men bılik­tiń jáne qoǵamnyń ózara birlestigi ózekti máselelerdiń biri. Jıynda sóz sóılegen par­tııa Tóraǵasynyń birinshi or­yn­basary Nurlan Nyǵ­matýlın osy salanyń úzdik­siz damýy úshin kúsh biriktirýdi usyndy. Elbasy, partııa Tóraǵasy Nur­sultan Nazar­baevtyń tapsyr­ma­sy boı­yn­sha mádenıet par­tııa jumy­sy­nyń basym baǵyt­tarynyń birine aınalady. Sebebi, ol qoǵamdyq qundy­lyq­tar ba­za­syn, ulttyq minez-qulyqty qalyptastyratyn sala, dedi orynbasar. Otyrysqa qatysýshylar Qa­zaqstan teatrynyń búgingi ahýalyna, ásirese ár­tis­ter­diń, rejısserlerdiń, drama­týrg­terdiń jaǵdaıyna basa nazar aýdardy. Biz, eń aldy­men, qa­zaq teatrynyń búkil álem biletin óziniń Prezıdentine, óz eline laıyqty dá­rejede bola­tyn jańa tulǵa­lary, jańa shy­ǵarmashylyq deńgeıi týra­ly oılanýymyz kerek, dep esepteıdi Teatrlar qyzmeti odaǵynyń tór­aǵasy, «Mıras» qoǵamdyq keńesiniń múshesi Tuńǵyshbaı Jamanqulov. «Nur Otan» partııasynyń osyndaı shara ótkizip jat­qany kóńilge qýanysh uıala­tady. Bul óte qajet. Sońǵy ýaqytta qazaq drama teatr­la­ry kóptep ashy­lyp jatyr, al onyń deńgeıi bu­rynǵydan da joǵary bolý kerek. Son­dyq­tan biz baǵyndyratyn belester áli alda, deıdi S.Seıfýllın atyndaǵy Qara­ǵan­dy ob­lys­tyq qazaq drama teatry­nyń dırektory Keńes Jumabekov. «Egemen-aqparat».