Brıtanııadaǵy iskerlik sharalar

«Samuryq-Qazyna» ulttyq ál-aýqat qorynyń basqar­ma tóraǵasy Tımýr Qulybaev bastaǵan menedjerler dele­ga­sııasy jumys babymen Ulybrıtanııaǵa keldi. Soǵan oraı keshe London qor bırjasynda «Qazaqstan kúni» ótkizildi. Bıznes-forým túrinde ótken is-sharalar barysynda «Halyqtyq IRO», «Bıznes-ahýal jáne Qazaqstanǵa ın­ves­tısııalyq aǵyndar», «Qa­zaq­standyq zeınetaqy qor­la­ryna ınvestısııalar», «Jeke kapıtaldyń ósýindegi jahan­dyq trendter» degen negizgi tórt taqyryp boıynsha pikirtalastar órbidi. Ásirese, Halyqtyq IRO baǵ­darlamasy brıtan isker top­tarynyń aıryqsha qyzyǵý­shy­lyǵyn týdyrdy. Qor bas­qarmasy tóraǵasynyń oryn­ba­sary Qýandyq Bıshimbaev qor­dyń basqarýyndaǵy jetekshi memlekettik kompanııalar­dyń aksııalaryn qazaqstan­dyq­tarǵa satý jospary tý­ra­ly áńgimeledi. Sol sııaqty Londonda «Ener­­getıka jáne balama kóz­derdi damytý», «Ken-me­tal­lýr­gııa ónerkásibin damy­tý», «Far­masevtıkalyq kompanııalar qyz­meti máseleleri boıynsha paneldik pikir­saıys» jáne «Qa­zaqstandaǵy hımııalyq jobalar: jaǵ­daıat­tar men múm­kin­dikter» máse­leleri boıynsha paneldik sessııalar ótti. «Egemen-aqparat».