Oceanman marafonyna qatysqan alǵashqy qazaq qyzy – Aına

Aqıqatyn aıtqanda, Aına­ny bizge taýyp bergen bala­larǵa arnalǵan «Ulan» gazeti. Onyń Ispanııanyń Be­nıdorm qalasynda ót­ken Oceanman marafonyn júzip ótken tuń­ǵysh qa­zaq qyzdarynyń biri eke­nin bilip, keıipkerine «qu­da túskenimizde» árip­te­simiz, gazettiń bas redak­to­ry Juldyz Ábdilda bir­den qýattap, basylymda­rynda kólemdi materıal jarııalansa da, Aına Dos­ma­hambetqyzynyń qaıy­rymdylyq sharalarymen aı­nalysatyndyǵy, ın­ter­nette I book you por­ta­­lynyń negizin qalap, ony on­­laın­nan offlaınǵa kó­shirýge qol jetkizgeni, bas­qa da izdenimpazdyǵy aı­tylmaı qalǵanyn, eger res­pýblıkalyq bas gazet osy­nyń bárin qamtı alsa, quba-qup bolar edi degendi qýana bildirdi. Árıne bul árip­­tesimizdiń bir tabysy­men toqtap qalmaı, tek al­ǵa um­tylyp, aınalasyna sha­paǵatyn tıgizip júrgen arý qyz tanyla bersin degen adamı tilegi edi.

Sonymen jankeshtilikpen 5 shaqyrymnan astam ashyq te­ńizde júzip, jaýyry­ny qaq­paq­taı júzgish jigit­ter­men qa­­tar márege jetken qa­­zaq qy­zy Aına Dosma­ham­bet­­qyzy – Oceanman sýda jú­zý marafonyna qatysqan al­­ǵashqy qazaq qyz­darynyń biri bolyp qala bermek.

Súıkimdi saıahatshy, bir­qatar ilkimdi jobalardyń av­tory ári Rumi Group-tiń PR dırektory Aına da bir kez­­deri jýrnalıst bolǵysy kelgen. Alaıda muǵalimi tili­niń kórkemdigine kóńili kón­shimeı, «senen jýrnalıst shyq­paıdy» degen sózi onyń ómirin IT salasyna buryp áketedi. Keıipkerimizdiń jap-jaqsy blog júrgizetindigi osydan qalsa kerek.

«Benıdormnyń qasynda Qapshaǵaı basseın eken ǵoı»

Birden aıta ketý kerek, Aına Oceanman halyq­ara­lyq marafonyna jalǵyz qa­tyspaǵanyn, bul jarys­ta qa­synda Álisher Sháripov, Da­nııar Ázimhanov, Ga­lı­na Ázimhanova, Kon­stan­tın Elıseev, Əsııa Era­ly­qyzy syndy alǵashqy qa­zaq­standyqtar bolǵanyn aıtady. Olarǵa deıin mundaı ja­rysqa tek Erjan Esimhanov qatysqan eken. Ol úsh ret Oceanman marafonynda júzip, bir ret álem­niń eń qıyn marafondyq dıstansııalarynyń biri Gıb­raltar buǵazyn júzip ótken bolatyn.

Oceanman marafony dege­nimiz – jylyna bir­neshe ret əlemniń ashyq te­ńizderinde ótkiziletin sýda júzý marafony. Tolyq Oceanman – 10 shaqyrym, jar­tylaı Ocean­man – 5 nemese 5,5 sha­qyrym. Júzýdi bala kezinen armandaǵan Aı­na bes jarym shaqyrymdy baǵyn­dyrǵan.

Sýda júzgen balyqtaı bolýdy kóksegen bizdiń qy­zymyz 1-kýrsta ǵana basseın­ge birinshi ret joly tús­kenin, júzýdi bastapqyda jattyq­ty­rý­shysyz úı­ren­genin aıtady.

– Qarasam, kórshi jolaqta 45 mınýt boıy toqtamaı bir qyz júzip júr. Soǵan qarap ishpen júzýdi úırenip aldym. Keıin bildim, qate úırenippin. Negizi júzýdi nólden bastap jattyqtyrýshymen úırengen jón. Birinshi kýrstan soń júzý osymen toqtady. 2015 jyly Qazaqstanǵa I Love Running sport mektebi keldi. Olar jar­ty jyldan soń I Love Swimming júzý mek­tebin ashty (qazir olar I Love Supersport dep atalady). Qýa­na qatystym. Osynda júzýdi qaıta úırendim. Du­rys júzbeseń, uzaqqa maltı almaısyń. Birde-bir sabaǵyn jibermeı, 1 shaqyrymdy júzip óttim. Ispanııanyń Benıdorm qalasynda Oceanman marafony bolady de­gende kózimdi jumdym da ba­ramyn dedim. Ol kezde jarty jyl júzbeı ketkenmin.

Benıdorm úshin Aına tórt aılyq sabaqqa qatysady. Janyn­daǵylardyń bəri 5 sha­qy­rymdyq Volga óze­nin ne Bosfordy júzip ót­kender. Aına da osal emes. Qor­jy­nynda alty aı bu­rynǵy bir shaqyrymy bar. Biraq qal­ǵandary oılanyp júrgende Ispanııaǵa baram dep shaýyp júrgen jalǵyz ózi. Marafonǵa qatyspas buryn Aına qal­tasynan aqsha shyǵaryp Londonda júgiretinderdi, Is­panııada júzetinderdi túsin­begen. Júgirgisi kelse, Al­matynyń kósheleri keń, sý dese Qap­shaǵaı tur degen oıda bolatyn. Ol sezimdi tek qaty­sýshy ǵana túsinedi eken. Bas­seınde júrgen bir bólek, ashyq sýǵa barǵan múldem basqa. Esh­qashan júzbegendeı kúı keshedi ekensiń. Aıyna bir ret jattyǵý Qapshaǵaıda ótedi. Barsa, basseınde ba­lyqsha júzip júrgen qyz on metrdi de ıgere almaıdy. «Sóıtsem, Benıdormnyń qasynda Qap­shaǵaı basseın eken ǵoı», dep kúledi. 3 shaqyrymdy toqtap júzgen ol «ólip qala jazdadym» deı­di. Tek sol sətte ǵana «Benıdormdy júzip óte ala­myn ba?» degen kúmən týa­dy. Sol kezde Ystyqkólde 4 jəne 2 shaqyrymdy jú­zip ótýge arnalǵan jarys uıym­dastyrylady. Ys­tyq­kól­diń sýy salqyn. Qyr­kúıekte baryp, sýǵa aıa­ǵyn salǵannan-aq Aına «júzbeımin» deıdi. Barlyǵy sýdan shyǵyp, de­malýǵa ketkende jaǵada bir ózi qalady. Qaıtse de sýda júzbekshi bo­lady. 200 metrdeı jú­zip, qatty tońady. Myna túri­men 2 shaqyrymdy qalaı baǵyndyratynyn bilmeı, nede bolsa erteńgi kúndi kútedi. Kelesi kúni ishinen «tek býıǵa (qalqyma belgi) deıin júzesiń» dep daıyndalyp barady. Al býılardyń arasy 300-400 metr. Jalpy qashyqtyqtyń eki shaqyrym ekenin oılamaýǵa tyrysady. 800 metrge barǵanda aıaǵynyń saýsaqtaryn sezbeı qalady. Tepe-teńdik ustap turatyn gıdrokostıými de joq. Aıaǵy qımyldamaı qalsa ne sharshasa, sýǵa batyp ketemin be dep qorqady. Biraq óz-ózine jiger berip, aqyry belgilengen qa­shyqtyqty júzip ótken. En­di ol Benıdormdy da ba­ǵyn­dyratynyna senimdi bolady.

Ashyq teńizdegi arpalys

– Ystyqkóldi júzip ót­ke­nimdi ashyq teńizdiń ne eke­nin bilemin dep eseptep, Benıdormǵa bardym. Sóıt­sem ashyq teńizde tol­qyn degen sumdyq eken. Sonymen qatar sýda medýzalar da kóp. Kóp qatysýshylardy sha­ǵyp aldy. Meniń qolymnan tek janap ótti. Sonda da birneshe mınýttaı aýyrdy. Sý ə degennen-aq aýzymdy oıyp tastady. Benıdormnyń jal­ǵyz artyqshylyǵy – sýy jyly. Ashyq teńizge shy­q­qanda mindetti túrde qut­­qa­rýshy býı bolýy kerek eken. Oǵan júzýshiler ar­naıy taǵam ne ishetin sý salyp alady. So­ny­men qatar 5 shaqy­rymda bir jerde, 10 sha­qyrymda eki jerde tamaq beretin qaıyqtar turady. Olar uzyn qarmaqpen banan túıirshikteri men sý beredi. Sýda turyp, iship-jep alasyń. Bolmasa sporttyq gel tamaqtaryn salyp al­sań bolady. Men olardyń esh­qaısysyn bilmeımin. Erteń júzemiz degen túni sýper­­marketke baryp, balalar pıýresin jep aldym. Qutysyn jýyp, oǵan sý quıyp, tańerteń býıǵa jabystyryp qoıdym. Erteńine teńizde tolqyn bastaldy. Araldy aı­nalyp júzýimiz kerek. Aral bizdi qatty tol­qynnan qorǵap tur eken. Bar qıyndyq araldyń arǵy betinde bastaldy. Tolqyn kelip betińnen shapalaqpen urǵandaı tartyp jiberedi. Onysy azdaı bylaı da, olaı da tóńkeredi. Ədette júzgende 1-2-3 sol jaq­qa dem alasyń, 1-2-3 oń jaqqa dem alasyń. Al teńizde qalaı bolsa, solaı demaldym. Basynda tek oń jaqtan demala bergendikten gıdrokostıým moınymdy qajap jiberdi.

Bar kúshimdi salyp júzip kelem. Aınalama qarap qoıamyn. Aral ózgermeıdi. Əli bir orynda turmyn. Úreı boıymdy alyp barady. Sonda kəsibı sportshylardyń ózi sýǵa ne úshin batyp ketetinin túsindim. Úreı ustamasy us­tap qalǵandyqtan eken. Ol kezde aıaq-qolyń iste­meı qalady. Meniń de qor­qynyshym sol. О́z-ózime «sen júze alasyń, sabyr qyl» dep qaıtalaı berdim. Tym bolmaǵanda bes mınýt demalýǵa mursha berýdi su­rap, Allaǵa jalbaryndym. Əıteýir araldy zorǵa júzip óttim. Jaǵaǵa deıin áli úsh jarym shaqyrym bar. Tolqynnyń shapalaǵynan sharshaǵanym sonsha, dıstansııany tez bitirgim kelip, tamaqtanatyn qaıyqqa da toqtaǵan joqpyn. Keıde qutqarýshy qaıyqtarǵa da qarap qoıamyn, «shaqyrsam ba» dep. Biraq, teńizdi tas­tap shyqpadym. Mərege bir sha­qyrym qalǵanda mýzyka esti­ledi. Onyń ózi jubanysh. Bi­raq kórip turǵan jerge jete almaı ketesiń. Júzip kele jatyp jarysqa bes júz adamnyń qatysatynyn oıladym. Ədette ekinshi, úshinshi ret keletinder kóp. «Olardyń bəri aqymaq shyǵar» deımin. Biraq tipti olar úshin de osy marafondy júzip ótý qıyn bolypty.

Belgilengen qashyqtyqty 3 saǵat 13 mınýtta júzip ótip, jasyl lentaly medal­dy moınyna taqqan soń ǵana Aına ózine rıza bolady. Jaýyryny toqpaqtaı jigitterdiń moınynan ózi­ni­kindeı medaldy kórgende ózin qurmetteı bas­taıdy.

«Jurt menen bərine qalaı úlgeretinimdi surap júrse, men sportshylarǵa qa­rap, aýzym ashylyp júredi. Sportpen aına­ly­­satyn adamdar basqa­lar­men salystyrǵanda jaýap­kershiligi mol, maqsatqa umtyl­ǵysh, tabysty, bir sózdi bolady. Əlemde jetistikke jetken adamdardyń bar­lyǵy derlik sporttyń túr-túrimen aı­nalysady. Sport­shylardyń janynda júre bergiń keledi. Taǵy baıqaǵanym, sportta myqty tózim kerek eken. Buryn ómir­lik jarym meni jaqsy kórse boldy dep oılaıtynmyn. Al qazir onyń bir sport túrimen aınalysqanyn qalaımyn. Kórdińiz be? Tipti talǵam ózgerdi. Əkeme basqasha qaraı bastadym. Əkem Dos Kóshim jumysynan bólek KSRO shólderin kesip ótken adam. Onyń qandaı qıyndyqqa shydaǵanyn endi ǵana uqtym. Sport múldem bólek əlem eken», – deıdi Aına «Ulan» gazetine bergen suhbatynda.

Qoly ashyqtyń joly ashyq

Sonymen Aına qaıy­rymdylyqqa qalaı keldi?

– 2013 jyly meniń týǵan aǵamnyń balasy búırekten qaterli isikke shaldyǵyp, Baǵa­nashyldaǵy balalar onko­logııalyq aýrýhanasyna tústi. Osy kezde biz nebir jaǵ­daıǵa dýshar bolǵan adamdardy kórdik. Aýqatty adamdar balasy aýyryp qalsa, birden shetelge áketedi. Al myna turǵan Shymkentten hımııaterapııaǵa kelýge av­tobýsqa 4 myń teńge ta­ba almaıtyndardyń baryn bildik. Qaterli isiktiń emdik sharalaryn bir kún de keshiktirýge bolmaıdy. Son­dyqtan birneshe bala­qaıdyń aýrýy asqynyp, qaıtys bolǵanyn estigende, bundaı nárseni endi bol­dyrýǵa bolmaıdy degen oı keldi. Balalar onkologııasy bolǵandyqtan aýrýhanada tek balalarǵa ǵana tamaq beriledi. Ony qarap otyr­ǵan keı ata-ananyń baladan qalǵanyn jep otyratyn kezderi bolady. Keıde tip­ti kir jýatyn sabyny da bolmaı qalady. Qazir sha­ma-sharqymyz kelgenshe kómekke muqtaj jandarǵa qaraı­lasyp turamyz, – deıdi sýda júzgen balyqtaı arý.

Aıtqandaı, bastapqyda Aına qyz qurbysymen ashqan I book you oqylǵan kitaptar almasatyn platformasyna 30 shaqty adam habarlassa, úsh jyldan keıin onlaınnan offlaın­ǵa kóshken qyzmetke jú­ginetinder sany 200-ge jetti.

Aınash ESALI,

«Egemen Qazaqstan»

ALMATY