Qazaqstan men Amerıka Qurama Shtattary arasyndaǵy qarym-qatynastardy nyǵaıtý jáne bolashaq áriptestik máselelerin keshe «Nur Otan» partııasy Tóraǵasynyń birinshi orynbasary Nurlan Nyǵmatýlın men AQSh-tyń Qazaqstandaǵy jańa elshisi Kennet Feırfaks talqylady.
Eki el arasyndaǵy dıplomatııalyq qarym-qatynastar 20 jyl buryn bastalǵan. Vashıngton Qazaqstandy AQSh-tyń Ortalyq Azııadaǵy is júzinde eń senimdi jáne bolashaǵy bar áriptesi retinde qarastyrady.
Nurlan Nyǵmatýlın aıtyp ótkendeı, Qazaqstannyń 20 jylda qol jetkizgen jetistikteri, sondaı-aq halyqaralyq arenadaǵy bedeli Elbasy, «Nur Otan» partııasynyń Tóraǵasy Nursultan Nazarbaevtyń esimimen tikeleı baılanysty. Nurlan Nyǵmatýlın sondaı-aq ıadrosyz álem qurýdaǵy jáne eldegi demokratııalyq qaıta qurýlardaǵy Elbasynyń erekshe rólin atap ótti.
Partııaaralyq baılanystarǵa kelsek, «Nur Otan» men AQSh Demokratııalyq partııasy arasynda kóp jylǵy áriptestik qatynastar ornaǵan. Ulttyq demokratııalyq ınstıtýt tóraıymy Madlen Olbraıt hanymnyń jáne UDI Prezıdenti Kennet myrzanyń shaqyrýymen demokrattar Amerıka prezıdenti laýazymyna óz úmitkerin usynǵan halyqaralyq kóshbasshylar forýmyna «Nur Otan» halyqtyq-demokratııalyq partııasynyń delegasııasy qatysqan bolatyn.
Kennet Feırfaks qazaqstandyqtardy tarıhı mereke – Táýelsizdiktiń 20 jyldyq mereıtoıymen quttyqtaı kele, Qazaqstannyń qol jetkizgen jetistikterine joǵary baǵa berdi.
Taraptar keń aýqymdy máseleler boıynsha óz oılarymen bólisip, Qazaqstan men AQSh arasynda tabysty bolashaq áriptestikti jalǵastyrý úshin úlken áleýet bar ekenin atap ótti.
«Egemen-aqparat».