О́mirimizdegi ózgerister

Qazaqstan halqy ótken jıyrma jylda birigýdiń jáne tatýlyqtyń tamyryn myǵymdap, irgesin bekitti. Elbasynyń saıasatyn qoldap, kók baıraqtyń astyna birige tústi. Qarapaıym halyq ulylyqtyń táńi­ri kókte, tamyry jerde ekenin bek uǵyndy, shúkirshilik etti. Táýelsiz­dik tarıhy Tuńǵysh Prezıdentimiz Nursultan Nazarbaevtyń esimimen, qajyr-qaıraty, sarabdal saıasaty­men etene ekendigi anyq. О́tpeli kezeńde jol bastap, halqyn aman-esen alyp shyǵýynyń ózi erlikke para-par. Joldaýlarda aıtylǵan­dardy halyq qoldady. Biri mal ónimderin molaıtý úshin asyl tu­qymdy mal ósirýdi qolǵa alsa, endi biri irgeli óndiris ornyn quryp, kásibinen násibin terdi. Nátıje­sinde el ekonomıkasy nyǵaıdy. Solardyń qatarynda Balqash aýdany «Dınara ranch» JShS bas­shysy Erik Ahmetov táýelsizdik merekesi qarsańynda ujymdaǵy jáne óz ómirindegi oń ózgerister jaıly bylaısha áńgimeledi. Táýelsizdik ákelgen jaqsylyq­tar atap aıtarlyq. Aýylda ósken­dikten atakásipti meńgerip, mal ósirý men ónimin molaıtýdy qolǵa aldym. Asyl tuqymdy mal basyn kóbeıtýdiń mańyzdylyǵyna mán berdim. Elbasynyń Qazaqstan hal­qyna arnaǵan «Bolashaqtyń irgesin birge qalaımyz» atty Joldaýynda naq osy jaıǵa basa nazar aýdardy ǵoı. Nursultan Ábishuly mal ónim­deriniń, sonyń ishinde et ekspor­tynyń áleýetin arttyrý qajettigin atap kórsetti. Qundy qujattaǵy máselelerdi júzege asyrý baǵy­tynda Balqash aýdanynda, sonyń ishinde «Dınara ranch» JShS-da júıeli jumystar jalǵasyn taýyp keledi. Mal ósirýdegi jetistikterimiz úshin 2010-2011 jyldary Qaraótkelde ótken respýblıkalyq kórme-baıqaýda jeńimpaz atandyq. Biz ótken qysta muhıttyń arǵy jaǵyndaǵy Amerıkadan «gereford» tuqymdy 400 bas iri qara satyp aldyq. Búginde sıyrlar jersinip, jergilikti jaǵdaıǵa beıimdeldi. Amerıkadan 2008 jyly ákelingen 253 bas iri qarany qa­zaqtyń aqbas sıyrymen býdandas­tyrý nátıje­sinde ettiligi joǵary jańa tuqym alyndy. Qazirgi ýa­qytta osy asyl tuqymdy analyq basty molaıtýǵa kóńil bólip otyrmyz. Aýdan shóleıtti aımaq. Desek te, etti baǵyttaǵy iri qarany shóbi shúıgin jaıylymdyqta baǵýǵa múm­kindik bar. Jer keń, sýy taza. Eko­logııalyq jaǵynan taza ónim alýǵa múmkindik mol. Seriktestikte sýar­ma­ly jer bar. Egistikte kúrish jáne jońyshqa ósiriledi. О́ndi­ristik qury­lymda mal soıyp, etti óńdeý­den ótkizetin seh jumys isteıdi. Memleketten qarjylaı kómek alýdamyz. Nátıjesinde ótken jy­ly 123 tonna et ótkizdik, 23 mıllıon teńge sýbsıdııa aldyq. Bıyl­ǵy kórsetkish qomaqty bolatynyn aıtqan jón. Kúmisjan BAIJAN, Almaty oblysy.