Astana ákimi Áset Isekeshev apparat jınalysy barysynda elordanyń Kásipodaq ortalyǵynyń jańa basshysyn tanystyrdy. Basshy bolyp budan buryn qalalyq aýmaqtyq kásipodaqtar birlestiginiń tóraǵasy laýazymyn atqarǵan Tastanbek Esentaev taǵaıyndaldy.
Kásipodaq ortalyǵynyń burynǵy tóraǵasy Sársenbaı Myńbaev qurmet demalysyna shyǵýyna baılanysty qyzmetinen bosatyldy.
«Sársenbaı Myńbaev Astana qalasy Kásipodaq ortalyǵyn 20 jyl basqardy, alǵa qoıylǵan mańyzdy tapsyrmalardy joǵary deńgeıde oryndady jáne onyń damýyna ólsheýsiz úles qosty. Sizge úlken alǵysymdy aıtamyn jáne myqty densaýlyq, tabys tileımin»,- dedi ákim.
Sonymen qatar, Áset Isekeshev «Astana LRT» JShS basqarma tóraǵasy Janna Aqjanovaǵa qalanyń kólik ınfraqurylymynyń damýyna qosqan úlesi úshin alǵysyn aıtyp, basqa jumysqa aýysýyna baılanysty qyzmetinen bosatty.
Jańa basqarma tóraǵasy bolyp Bekmyrza Igenberdınov taǵaıyndaldy, ol buǵan deıin Astana qalasy jolaýshylar kóligi basqarma basshysy laýazymyn atqarǵan.
«Jol-kólik ınfraqurylymynyń damýy qala aldynda qoıylǵan negizgi maqsattardyń biri, sondyqtan, kólik keshenin damytý boıynsha jańa kúshpen belsendi jumys atqarýymyz kerek», - dedi Á.Isekeshev.