Astanalyq energetıkter aıazǵa baılanysty táýlik boıy jumys isteý rejımine kóshti. Astana qalasy ákimi Áset Isekeshevtiń tapsyrmasymen bul iske jaýapty basshylar kúnniń sýytýyna oraı energetıkalyq keshenniń daıyndyǵyn tekserý maqsatynda jınalys ótkizdi. Bul týraly astana.gov.kz habarlady.
Atap ótsek, qalany elektr energııasymen úzdiksiz qamtamasyz etip otyrǵan qosalqy stansııalar, sonyń ishinde «Shubar» stansııasy, «Astana REK» AQ ortalyq dıspetcherlik bólimshesi elektr júıesiniń jumysy tekserildi.
Jıynda energetıkalyq keshenderdiń basshylary aıazǵa daıyndyq jumystarynyń barysy týraly baıandady. Kún tártibine táýlik boıy kezekshilik qoıý, elektr júıeleriniń jumysyn 10 paıyzǵa, jedel brıgada jumysyn eki esege arttyrý tur.
Sondaı-aq aıaz kezinde jaýapty mamandar men táýlik boıy kezekshilik etetinderdiń jumys kestesi jasalynyp, jylý stansııalaryn qurý tapsyrylǵan JEO-2 –niń daıyndyǵy da tekserildi.
Qazirgi ýaqytta 30 táýlikke jetetin kómir qory men 15 kúnge jetetin mazýt otyny bar.