Almatyda qyzdar (jastar) arasynda bokstan Qazaqstan chempıonaty óz máresine jetti.
El birinshiligi AIBA erejelerimen bekitilgen 10 salmaq dárejeleri boıynsha ótti. Chempıonatqa elimizdiń ár óńirinen kelgen 90-nan asa boksshy bas qosyp, ózara myqtyny anyqtady.
Jarystyń qorytyndysy boıynsha óz salmaǵynda Ánel Qudaıbergen (48 kg), Jansaıa Ábdiraıymova (51 kg), Aızada Eslıamǵalı (54 kg), Erkejan Dáýletjanqyzy (57 kg), Marııa Gladkova (60 kg), Zarına Halılýlla (64 kg), Maıa Beısebaeva (69 kg), Nadejda Rıabes (75 kg), Gúlsaıa Erjan (81 kg) jáne Dına Islambekova (+81 kg) jeńiske jetti. Sonymen qatar Karına Aızahmetova, Baljan Asqar, Juldyz Toıkova («Jeńiske degen jigeri úshin»), Jansaıa Abdraımova jáne Gúlsaıa Erjan («Úzdik boksshy») atandy.
Qyzdar arasynda bokstan tuńǵysh ret ótkizilgen chempıonattyń jeńimpazdary men júldegerlerin Olımpıada chempıony Ermaxan Ibraımov bastaǵan qazaq boksynyń ardagerleri marapattady.
– Kil myqtylardy anyqtaǵan qyzdar arasyndaǵy Qazaqstan chempıonaty óte joǵary deńgeıde ótti. Bul ulttyq qurama komandaǵa irikteý jarysy bolatyn. Endi qurama komanda jasaqtalǵannan keıin Azııa, Álem chempıonattary jáne jasóspirimder arasyndaǵy Olımpııa oıyndaryna joldamany jeńý úshin jumys isteıtin bolamyz, – dedi Ermahan Ibraımov.
Álı BITО́RE, «Egemen Qazaqstan»