2017 jyly ótkizilgen mádenı sharalardyń barlyǵy derlik halyqaralyq «Astana EKSPO-2017» mamandandyrylǵan kórmesine arnaldy.
Osylaısha 2017 jyly 5 mln adam tamashalaǵan 9926 mádenı is-shara ótkizildi, dep habarlaıdy elorda ákimdiginiń resmı saıty.
Elorda murajaılary 131 kórmeni uıymdastyryp, 3433 ekskýrsııany ótkizip, 104 dáris oqydy. Astana qalasynyń teatrlary kórermen nazaryna 1323 spektakldi qoıyp, 722 konserttik baǵdarlamany usyndy. Bul sharalarǵa kelýshilerdiń sany 2,2 mln adamnan asty.
Qaladaǵy 17 kitaphananyń jumysy ulttyq tarıhty zertteý men nasıhattaý, oqyrmandardy áskerı-patrıottyq naqyshta tárbıeleý, salamatty ómir salty týraly ádebıetti nasıhattaý, kámelettik jasqa tolmaǵandardyń arasyndaǵy quqyq buzýshylyqtardyń aldyn alý, ekstremızmniń aldyn alý, terrorızmge qarsy qaýipsizdikpen qamtý sııaqty baǵyttardy qamtydy.
2017 jyly kitaphanaǵa kelgen oqyrmandardyń sany 70 998 qamtydy. Kitaphana qorynda 704 599 dana kitap bar.