Parlament Senaty Ekonomıkalyq saıasat, ınnovasııalyq damý jáne kásipkerlik komıtetiniń keńeıtilgen otyrysynda «2014 jylǵy 29 mamyrdaǵy Eýrazııalyq ekonomıkalyq odaq týraly shartqa Qyrǵyz Respýblıkasynyń qosylýy týraly 2014 jylǵy 23 jeltoqsanda qol qoıylǵan sharttyń jekelegen erejelerin qoldaný týraly hattamany ratıfıkasııalaý týraly» zań jobasy qaraldy.
Zań jobasynyń negizgi maqsaty EAEO memleketteriniń bajdardy bólýdegi birdeı tásilin qamtamasyz etý jáne múshe elder úshin kedendik ákelý bajdarynyń somalaryn bólý normatıvterin qaıta qaraý bolyp tabylady. Hattamany ratıfıkasııalaý birdeı tásildi jáne EAEO memleketteriniń bıýdjetterine bajdardy turaqty bólý men esepke jatqyzýdy qamtamasyz etýge múmkindik beredi.
Zań jobasy Palatanyń qaraýyna jiberildi.