Ortalyq kommýnıkasııalar qyzmetinde Aýyl sharýashylyǵy mınıstrligi Veterınarlyq baqylaý jáne qadaǵalaý komıtetiniń tóraǵasy Tursyn Qabdoldanov jáne atalǵan komıtettiń bıologııalyq qaýipsizdik basqarmasynyń jetekshisi Saltanat Ábilqasymovanyń qatysýymen veterınarlyq qaýipsizdik taqyrybynda baspasóz máslıhaty ótti.
Bıyl 28 asa qaýipti juqpaly mal aýrýyna qarsy 74 mln dıagnostıkalyq tekserý jáne 142,4 mln mal men qusty egý josparlanyp otyr. Sibir jarasyna qarsy mal basyn 100 paıyz qamtý, aýsylǵa qarsy 5 oblystyń mal basyn tolyǵymen qamtý jáne týberkýllezge allergııalyq boıynsha tekserý júrgiziledi. Jalpy, veterınarlyq qaýipsizdik pen tamaq qaýipsizdigi bir-birimen tyǵyz baılanysty. Tól alynǵannan keıin tóldiń qulaǵyna salynǵan syrǵa, maldy egý sharalary, tekserý jumystary jáne tasymaldanýy, ósirilýi Aýyl sharýashylyǵy mınıstrliginiń quzyrynda bolsa, ónim alynǵannan keıingi másele Densaýlyq saqtaý mınıstrliginiń quzyrynda. Búgingi tańda osy máseleni bir mekemeniń quzyryna berý qarastyrylýda. О́ıtkeni ónim tasymaldanǵan kezde kemshilikter shyǵatyn bolsa, onyń óndirilgen ornyn bilý quzyreti Densaýlyq saqtaý mınıstrliginde joq. Bul másele Aýyl sharýashylyǵynyń qaraýynda. Barlyq atqarylatyn jumys bir ǵana vedomstvonyń, ıaǵnı Aýyl sharýashylyǵy mınıstrliginiń quzyrynda bolǵany jón dep sanaımyz», dedi Tursyn Qabdoldanov.
Sonymen qatar ol brýsellez aýrýyna da toqtaldy.
«Brýsellez aýrýy álemde 1930 jyldan bastap oryn alyp keledi. Bul sozylmaly indet. Elimizde saýyn sıyrlar eki ret, kúzde jáne kóktemde, al buqalar ár toqsan saıyn tórt ret tekseriledi. Biz jylyna 7 mıllıondaı mal tekseremiz, 24 mıllıon qoıdyń qanyn tekseremiz. Sonyń ishinen jylyna 20-21 myńdaı mal brýsellezge ushyraıdy», dedi Aýyl sharýashylyǵy mınıstrligi Veterınarlyq baqylaý jáne qadaǵalaý komıtetiniń tóraǵasy.
Raýan QAIDAR, «Egemen Qazaqstan»