Shyǵys Qazaqstanda sońǵy kúnderi aýa-raıy kúrt qubylyp, turǵyndarǵa qolaısyzdyq týdyryp jatyr.
«Qazaqavtojol» JShS oblystyq fılıalynyń taratqan málimetterine súıensek, 6 naýryz kúni saǵat 23:55-te «О́skemen-Semeı» (48-198 shaqyrym), «Omby-Maıqapshaǵaı» (756-906 shaqyrym), «Semeı - Reseı Federasııasy shekarasy» (3-113 shaqyrym) baǵyttaryndaǵy respýblıkalyq mańyzdaǵy joldar jabylǵan.
Sonymen qatar búgin Semeıde túnde jaýǵan jańbyrdyń kóktaıǵaqqa aınalýyna baılanysty qaladaǵy mektepterdiń birinshi aýysymdaǵy 1 jáne 11 synyp oqýshylary men 1-2 kýrs stýdentteri sabaqtan bosatyldy. Bul týraly oblystyq bilim basqarmasy habarlady.
Azamat QASYM,
«Egemen Qazaqstan»
Shyǵys Qazaqstan oblysy