Medelınde (Kolýmbııa) ártistik júzýden Álem kýbogynyń kezeńi aıaqtaldy. Qazaqstan quramasy bul jarysta eki altyn, bir kúmis, úsh qola medal jeńip alyp, jalpykomandalyq esepte ekinshi oryn aldy, dep habarlaıdy Egemen.kz.
Erler arasynda Edýard Kım erkin baǵdarlamada top jaryp, altynnan alqa taqty.
Sondaı-aq áıelder arasyndaǵy erkin baǵdarlamada da Qazaqstan quramasy jeńis tuǵyrynyń eń bıik satysyna kóterildi.
Al tehnıkalyq baǵdarlamada qazaqstandyq Vıktor Drýzın úshinshi oryn aldy.
Odan bólek ulttyq qurama toptyq akrobatıkalyq baǵdarlamada kúmis júldeger atandy.
Iаsmına Islamova men Aldııar Ramazanov tehnıkalyq baǵdarlamanyń juptyq synynda qola medalǵa ıe bolsa, Nargıza Bolatova jáne Vıktor Drýzın erkin baǵdarlamanyń juptyq saıysynda úshinshi orynǵa jaıǵasty.
Aıta keteıik, Qazaqstan ártistik júzýden Álem kýbogy kezeńinde eki altyn medal jeńip alǵanyn habarlaǵan edik.