Shymkent qalasy, Abaı aýdandyq Kenesary han meshitinde «Salt-dástúr» ortalyǵy ashyldy. Bul bastamaǵa Qazaqstan musylmandary dinı basqarmasynyń Tórǵasy, Bas múftı Naýryzbaı qajy Taǵanuly qoldaý bildirdi, dep habarlaıdy Egemen.kz.
Igi is-sharaǵa memleket jáne qoǵam qaıratkeri Shalataı Myrzahmetov, QMDB aqsaqaldar keńesiniń múshesi Bekaıdar Ámire, mádenıet qaıratker Baqtııar Spanov, naıb ımam Musabek Aqtamberdi, dástúr jáne otbasy baǵytynyń jetekshisi Ahmetjan Kerimbek, Dáýrenbek Tasqaraev jáne qalalyq Ájeler mektebiniń músheleri qatysty.
«Atalmysh ortalyqtyń negizgi maqsaty – QMDB-nyń Dástúr jáne otbasy baǵyty dep atalatyn bastamasynyń negizinde, din men salt-dástúr, ádet-ǵuryp qundylyqtaryn nasıhattaý jáne osy baǵytta tálim-tárbıe berý, arnaıy kitaptar ázirleý bolyp tabylady. Ortalyq arnaıy kıiz úı jabdyqtarymen jabdyqtalǵan. Sondaı-aq, munda sábıge at qoıý, tusaý keser, shańyraq kótergen jastardyń neke qııý rásimi ótedi. Odan bólek túsirilim alańy retinde de paıdalanýǵa bolady», dedi dintanýshy Muhamedjan Estemirov.
Osy oraıda, shahardyń bas ımamy Baqdáýlet Nurmatuly jańadan ashylǵan salt dástúr ortalyǵynyń jumysyna oń baǵasyn berip, aldaǵy isterine sáttilik tiledi.