Halyqtyń kóńilinen shyqqan, jurt kútken sóz aıtyldy

Atap-atap aıtqanda, talaı eldiń arzan nesıege qoly jetpeı turǵanda, ony 7 paıyzǵa tús­iremin degeni óte quptarlyq jaǵ­­daı boldy. Jáne 25 jylǵa be­riledi degen sóz, búkil kásip­ker­­lerimizdiń qolyn sheshken sııaq­ty. Tipti osy bastamadan qa­zir­diń ózinde qanattanyp, shaǵyn jáne orta bıznesin bas­tap ketýge táýekelge barǵysy ke­le­­tin­der birden kóbeıedi. Bul jańa kásipkerlerge jol ashyp bere­tin jańa múmkindik, eń bas­ty baǵdarlama dep aıtýǵa bolady.

Osydan keıin Qazaqstandy  2022 jyl­ǵa deıin tolyq gazben qamtamasyz etý jospary júzege asy­rylǵaly otyr. Osy ýaqyt­qa deıin elimiz kógildir otyn­men to­lyq qamtamasyz etil­gen dep oılaıtyndar bar. Shyn mánin­de gaz­dy paıdalanyp otyr­­ǵan­dar 50 paıyz ǵana eken. Onyń ózi­niń anyq jospary jasalýy, gaz qu­byr­lary qaı qaladan qaı qa­la­ǵa qaraı júred­i, naqty qa­laı iske asady, osynyń bári ózekti.

Memleket basshysy 2025 jylǵa qaraı kómir otynynan arylýymyz kerek dedi. О́ıtkeni ol bizdiń aýamyzdy bylǵap jatyr. Astananyń ózinde de kómir otyndy paıdalanatyndar kóp. Qysqasy, kómirden birjolata bas tartyp, ıakı bolmasa  sapasyn arttyrsaq jaqsy bolar edi.

Elbasynyń bir sózi unap qaldy. О́zimiz de solaı oılap kel­­dik qoı. Saryarqanyń sary jeli elordamyzdyń tútinin tazar­­typ otyrady deýshi edik. Sóıtsek, olaı bolmaı shyq­ty. Saryrqanyń sary jeli kó­likter­den býdaqtaǵan kók tútin­di qýyp úlgere almaıdy eken. Endi osydan qutylatyn boldyq.

Ásirese, Temirtaý qalasynyń ekologııasyn jaqsy bilemiz. Appaq qardyń ústine qara boıaý jaǵylǵandaı aýasy las. Halyq qalaı kún kórip otyr?

Osynyń barlyǵynan da Prezıdent habardar. Elbasy endi osy tútinnen qutylýdyń anyq josparyn jasap berdi. Par­la­menttiń qos palatasy osyny qolda­d­y. Biz de qos qol­dap qoldap otyrmyz. Jáne osy máseleden qutylýdyń jańa joldary, jańa tásilderi atap kórsetildi. 

Sol sııaqty stýdent jastar­dyń jataq­hana máselesin 2022 jylǵa qaraı tolyq sheship bolamyz degeni júzege asatyn bolsa, Qazaqstan eńsesi bıik eldiń birine aınalar edi. Men osyǵan qatty qýandym.

Al ádebıet pen mádenıettiń áńgi­mesi burynnan da aıtylyp keledi. Aldyńǵy joldaýlardyń bárinde qamtyldy. Alaıda aldymen halyqtyń ál-aýqaty, aldy­men ekonomıka kósh bastaýy kerek.

Biz óz baǵdarymyzdy áleý­met­tik memleket retinde qaıta qarastyrýymyz qajet. Ol úshin jalaqysy tómen adamdy salyqtan birjolata  bosatý nemese aılyq kólemine qatysty kólemin azaıtý kóp adamǵa demeý bolady. Mundaı jeńildikter talaı jannyń tiktelýine sep­tesedi. Qýanǵan da, qoldaǵan da bastamanyń taǵy biri osy!

Aıtqandaı, Elbasy oqý oryndary, bilim salasyna qa­tysty qordalanǵan máse­­le­lerdi retteýdi anyq tapsyrdy. О́ıtkeni bilim salasy men Ulttyq ǵy­lym aka­dem­ııasynyń aınalasynda daý kóp. Qazaq ǵylymy úsh jylda bir-aq ret beri­letin grantqa qarap qaldy degen sózdiń jany bar. Ǵalymdardy shýlata bermeý úshin osynyń bárin qaıta qaraıtyn kez ábden keldi. Artyq, orynsyz aıtyla beretin daý-damaıǵa toqtaý salý úshin ǵylym men bilim salasyna qosymsha grant berý máselesi túbegeıli sheshiletin boldy.

Son­dyqtan bul salanyń da kóńilin kónshitip, qajettilikterin qanaǵattan­dyratyn irgeli bastamalar qolǵa alyndy.

Eń bastysy, halyqtyń aldynda jarııa etilgen Úndeý toly­ǵymen júzege asady dep senemiz. Úkimetke de naqty tapsyrmalar berildi. Qal­ǵan úmitimiz endi – Úkimette!   

Dýlat ISABEKOV,

Memlekettik syılyqtyń laýreaty, jazýshy-dramatýrg

ALMATY