Elbasy Nursultan Nazarbaevtyń bes áleýmettik bastamasy qazaqstandyqtardyń bolashaǵyna degen senimin nyǵaıtatyn taǵy bir mańyzdy qadam dep aıtýymyzǵa bolady.
Memleket basshysy jarııalaǵan Úndeýde kóterilgen bastamalardyń barlyǵy da qazaqstandyqtar úshin ózekti máselelerdi qamtydy. Mysaly, «7 – 20 – 25» baǵdarlamasy kóptegen jas shańyraqtyń óte ózekti máselesin sheshýge arnalǵan. Páterlerdiń jeńildetilgen nesıe arqyly berilýin jolǵa qoıý belgili bir deńgeıde jastarǵa jasalyp otyrǵan úlken qamqorlyq.
Ekinshi másele bilim granttaryna baılanysty. 2018-2019 oqý jylynan bastap qosymsha 20 myń bilim granty bólinetin boldy. Bul da jastardyń joǵary bilim alýyna, bilikti maman bolyp shyǵýyna úlken yqpal etetini anyq.
Elbasy Úndeýinde aıtylǵan máseleniń biri – shaǵyn jáne orta bıznes ókilderine qoldaý kórsetý. Osy baǵytta bıyldan bastap mıllıardtaǵan kólemde qomaqty qarajat bólinbek. Shaǵyn jáne orta bıznesti damytý bizdiń memleketimiz úshin asa mańyzdy máselelerdiń biri. О́ıtkeni ol jalpy halyqty jumyspen qamtýdaǵy birden-bir tóte jol, shaǵyn jáne orta bıznesten túsetin salyq ta memleket qazynasyn baıyta túsedi.
Qazaqta «Jel basynan sıpasa, jerdegi gúl jetiler, El basynan sıpasa, ıendegi er jetiler» degen. Iаǵnı qazaqstandyqtar ózine qamqorlyq jasaıtyn memleketi bar ekendigin sezindi. Bul osy baǵytta jasalǵan úlken bir joba dep aıtýymyzǵa bolady.
Ǵabıt TUIаQBAEV, Qorqyt ata atyndaǵy QMÝ qazaq tili men ádebıeti jáne jýrnalıstıka kafedrasynyń meńgerýshisi
Qyzylorda oblysy