Tanysyrylymǵa UQK tóraǵasy Kárim Másimov, Aqparat jáne kommýnıkasııa mınıtstri Dáýren Abaev jáne «Nur Otan» partııasy tóraǵasynyń birinshi orynbasary Máýlen Áshimbaev qatysty.
Fılmniń sıýjeti arnaıy qyzmetter men Astanada lańkestik shabýyl jasamaq bolǵan dinı ekstremıstik top arasyndaǵy qaqtyǵysqa negizdelgen. Bul ulttyq qaýipsizdik pen otbasylyq qundylyqtar týraly, álsiz ben áldiniń jáne qazirgi qazaqstandyq qoǵamnyń aldynda turǵan naqty problemalary týraly serıal.
Fılmniń sıýjeti sońǵy jyldary Qazaqstanda bolǵan qaıǵyly oqıǵalarǵa negizdelgen. Bas keıipker, UQK-niń tergeýshisi Ernar Esengeldıev qatygez qylmystardy tergep júrip kenetten ekstremıstik toptyń izine túsedi. Bul toptyń Qazaqstan astanasynda birden birneshe terrorlyq shabýyl jasaýdy josparlaǵany málim boldy. Myńdaǵan beıbit azamattardyń ómirine qaýip tóndi. Sonymen birge maıor Esengeldıevtiń jeke ómirinde de daǵdarys týyp, eń jaýapty sátte ol satqyndyqqa tap bolady.
«Krasnyı ýroven» avtorlary detektıvtik serıal ǵana túsirý mindetin qoıǵan joq. Fılmde kúrdeli de qıyn, sonymen birge Qazaqstanǵa ózekti dinı ekstremızm taqyryby qozǵalǵan. Fılmdegi basty róldi qazaq kınosynyń tanymal akterleri Berik Aıtjanov, Táýekel Múslim, Saıa Orazǵalıeva, Fılıpp Voloshın jáne Nyshanbek Jubanaev somdady.
Qoıýshy-rejısser reseılik Valerıı Myznıkov «Glýhar» jáne «Znakı sýdby» serıaldarymen tanymal.
«Krasnyı ýroven» telehıkaıasyn KTK telearnasy Aqparat jáne baılanys mınıstrliginiń tapsyrysymen «STRANA media team» prodakshn-ortalyǵymen birlesip túsirdi.
Fılm 2018 jyldyń 31 naýryz – 1 sáýir aralyǵynda «KTK» telearnasynda kórsetiledi.
2017 jyly Aqparat jáne kommýnıkasııalar mınıstrliginiń tapsyrysymen qazaqstandyq qoǵamnyń mańyzdy áleýmettik qubylystarymen aınalysatyn 40 telehıkaıa men 131 áleýmettik beınerolık túsirildi. Bul sharalar óz kezeginde otandyq telearnalardyń sheteldik medıa mazmunyna táýeldiligin tómendetýge jáne kınoındýstrııany damytýǵa kómektesedi.