Qazaq fýtbolynyń jańa maýsymy jankúıerler úshin jaqsy jańalyqtarmen bastaldy. Fýtbol janashyrlary ulttyq quramanyń Vengrııany utyp, Bolgarııany óz alańynan shyǵarmaı qoıǵanyn aıtyp máz. Jýrnalıster qaýymy jas órender Erkebulan Seıdahmet pen Baktıer Zaınýtdınovtiń goldaryn, bapker Stanımır Stoılovtyń oıynyn jarysa jaza bastady. Sarapshylar Qazaq fýtbolynyń damý joly jańa arnaǵa bet burǵanyn aıtady.
Qazaq fýtbolyn damytý úshin naqty qadamdar jasalýy tıis. Osy qadamdy is júzinde bekitý úshin Qazaqstan fýtbol federasııasy aldaǵy tórt jylǵa arnalǵan jańa qujat qabyldamaq. Strategııa «Alǵa, fýtbol! Alǵa, Qazaqstan» dep atalady. Bul joba elimizdiń fýtbol qaýymdastyǵyna 25 sáýir, ıaǵnı Qazaq fýtbolynyń kúni tanystyrylady.
Qazaq fýtbolynyń damýyna beı-jaı qaraı almaıtyn jandardyń biri – Aıdar Kúmisbekov. El fýtbolynyń damýyna qatysty baǵdarlamalardy únemi nazarda ustap júretin Qazaqstan ulttyq quramasynyń eks-qorǵaýshysyn sózge tartqan edik:
- Qaı ýaqytta qandaı jolmen júremiz? Osy saýalǵa jaýap berip otyratyn qujattyń mańyzdy ekeni ras. Ár Federasııanyń damý strategııasy bolýy mindetti. Strategııa arqyly jańa júıeler men damý joldary paıda bolady. Qoǵamda qalyptasyp qalǵan túıtkildi máselelerdi sheshýge kómektesýi tıis.
- Aıdar Nurabekuly, jańadan qabyldanatyn strategııa qandaı baǵyttardy qamtýy tıis?
- Negizgi baǵyt – balalar men jasóspirimder fýtbolyn damytý. Iаǵnı, balalardy daıyndaý. Jas bapkerlerge kóńil bólý qajet. Buǵan deıin qabyldanǵan baǵdarlama arqyly fýtbol ortalyqtary ashylyp, bir júıege keltirildi. Osy jumys ári qaraı jańa baǵytta órbýi kerek oılaımyn. Fýtbol alańdaryn ashyp, ınfraqurylymdy damytý. Astanada salynyp jatqan Fýtbol úıiniń qurylysy aıaqtalýǵa jaqyn. Osyndaı jabyq keshen salsa dep armandaıtyn edim. О́ıtkeni, qys mezgilinde fýtbol oınaıtyn alań tabý qıyn. Buqaralyq fýtboldy da umyt qaldyrmaǵan jón. Qazaq fýtbolynyń damýyna qatysty baǵdarlamalardy nazarda ustap júrýge tyrysamyn. Bizdiń bolashaǵymyz - eldiń bolashaǵy.