Bas Prokýrordyń buıryǵymen Almaty qalasy, Aqtóbe, Aqmola jáne Jambyl oblysy prokýratýralarynda kadrlyq taǵaıyndaýlar ótti, dep habarlaıdy Bas prokýratýranyń baspasóz qyzmeti.
Aqtóbe oblysy prokýrorynyń birinshi orynbasary laýazymyna aǵa ádilet keńesshisi Aıdos Serikhanuly Maılybaev taǵaıyndaldy.
A.Maılybaev 1977 jyly Almaty qalasynda dúnıege kelgen. Orta Azııalyq ýnıversıtetin, Almaty halyqaralyq jýrnalıstıka ınstıtýtyn jáne M.H. Dýlatı atyndaǵy Taraz memlekettik ýnıversıtetin ıýrısprýdensııa, halyqaralyq jýrnalıstıka jáne ekonomıka mamandyqtary boıynsha bitirdi.
Prokýratýra organdaryndaǵy qyzmetin Jambyl oblysynda aýdan prokýratýrasynyń bólim prokýrory retinde bastady, Jambyl jáne Qordaı aýdany prokýrorynyń orynbasary bolyp qyzmet etti.
2009-2012 jyldar aralyǵynda Almaty oblysy prokýratýrasynyń Jambyl jáne Panfılov aýdany prokýrory qyzmetin atqardy.
Zańdylyq pen qoǵamdyq tártipti qamtamasyz etýdegi jetken jetistikteri úshin Memleket basshysynyń Jarlyǵymen «Jaýyngerlik erligi úshin» medalimen marapattaldy.
Taǵaıyndaýǵa deıin Jambyl oblysy prokýrorynyń orynbasary laýazymynda boldy.
Prokýratýra organdaryndaǵy eńbek ótili 16 jyldan asady.
***
Jambyl oblysy prokýrorynyń orynbasary laýazymyna aǵa ádilet keńesshisi Jarqyn Qýanyshuly Qusaıynov taǵaıyndaldy.
J.Qusaıynov 1976 jyly Almaty qalasynda týǵan. Qazaq memlekettik zań ýnıversıtetin quqyqtaný mamandyǵy boıynsha bitirdi.
Eńbek jolyn 1993 jyly Bas prokýratýranyń Isterin basqarý keńsesiniń ınspektorynan bastap, Almaty garnızonynyń áskerı prokýrorynyń kómekshisi, aǵa kómekshisi, Bas áskerı prokýratýranyń Bólim prokýrory, aǵa prokýrory, Almaty qalasy prokýratýrasynyń Basqarma prokýrory, Basqarma bastyǵynyń orynbasary qyzmetterin atqardy.
Basshylyq laýazymdarda eńbek tájirıbesi mol. Almaty qalasy prokýratýrasynyń Medeý, Áýezov aýdany prokýrorynyń orynbasary, Bas prokýratýra Departamenti Bóliminiń bastyǵy, Almaty qalasy prokýratýrasynyń Basqarma bastyǵy boldy.
Zańdylyq pen qoǵamdyq tártipti qamtamasyz etýdegi jetken jetistikteri úshin Memleket basshysynyń Jarlyǵymen «Jaýyngerlik erligi úshin» medalimen marapattaldy.
Taǵaıyndaýǵa deıin Almaty qalasy Medeý aýdanynyń prokýrory laýazymynda boldy.
Prokýratýra organdaryndaǵy eńbek ótili 20 jyldan asady.
***
Almaty qalasy Áýezov aýdany prokýrorynyń laýazymyna ádilet keńesshisi Murat Ájinuruly Tileýberdıev taǵaıyndaldy.
M.Tileýberdıev 1973 jyly Almaty oblysynda dúnıege keldi. Qazaq memlekettik zań ýnıversıtetin quqyqtaný mamandyǵy boıynsha bitirdi.
Almaty qalasy aýdan prokýratýrasynda prokýrordyń kómekshisi, aǵa kómekshisi, Almaty qalasy prokýrorynyń kómekshisi, Almaty qalasy prokýratýrasynyń Basqarma bastyǵynyń orynbasary, Basqarma bastyǵy qyzmetterinde eńbek etti.
Taǵaıyndaýǵa deıin Almaty qalasy prokýratýrasynda Qoǵamdyq múddeni qorǵaý basqarmasynda prokýrordyń aǵa kómekshisi qyzmetin atqardy.
Prokýratýra organdaryndaǵy eńbek ótili 18 jyldan asady.
***
Aqmola oblysynyń Kókshetaý qalasy prokýrory laýazymyna ádilet polkovnıgi Qýat Amanbekuly Ábdihanov taǵaıyndaldy.
Q.Ábdihanov 1978 jyly Jezqazǵan oblysynyń Qarabulaq aýylynda dúnıege kelgen. E.A. Bóketov atyndaǵy Qaraǵandy memlekettik ýnıversıtetin halyqaralyq quqyq mamandyǵy boıynsha aıaqtady.
Ár kezeńde Qaraǵandy qalasynyń Qazybek bı aýdany prokýrorynyń kómekshisi, Qaraǵandy oblysy jáne Astana qalasy prokýratýralarynyń Basqarma prokýrory, Bas prokýratýranyń Departamenti Bóliminiń aǵa prokýrory qyzmetterin atqardy.
2009 jyldyń shilde aıynan búginge deıin Bas áskerı prokýratýranyń Qoǵamdyq múddeni qorǵaý basqarmasynyń bastyǵy boldy.
Zańdylyq pen qoǵamdyq tártipti qamtamasyz etýdegi jetken jetistikteri úshin Memleket basshysynyń Jarlyǵymen «Jaýyngerlik erligi úshin» medalimen marapattaldy.
Prokýratýra organdaryndaǵy eńbek ótili 17 jyl.