О́skemendegi daryndy balalarǵa arnalǵan Jambyl atyndaǵy mamandandyrylǵan mektep-gımnazııa-ınternatynda ǵylym kúni aıasynda «Qanıpa álemi» aptalyǵy qorytyndylandy.
Aptalyq sheńberinde oblysymyzdyń О́skemen, Semeı qalalary men aýdandarynan kelgen oqýshylar áıgili ustaz, KSRO memlekettik syılyǵynyń ıegeri, til janashyry, sanaly ómirin ultymyzdyń ulylarynyń muralaryn nasıhattaýǵa baǵyshtaǵan Qanıpa Bitibaevaǵa arnaǵan óleńderin oqyp, naqyl sózderin jatqa aıtyp, súıip tyńdaǵan ánderin naqyshyna keltire oryndady.
«Bul aptalyq osymen tórtinshi jyl qatarynan qatarynan dástúrli túrde uıymdastyrylyp keledi. Aptalyq aıasynda toǵyz qumalaq oıynynan qalalyq týrnır ótkizildi. 8-10 synyp oqýshylary ustazǵa arnaǵan ǵylymı jobalaryn qorǵady.
Tórtinshi kúni oqýshylar aspanǵa zymyrandar ushyrdy, ıaǵnı olar zymyrandar baıqaýyna qatysty. Ákemiz Omarǵalıdyń anamyzǵa aıtqan ósıeti kórinis retinde sahnalandy. Aptalyq qorytyndysynda Qanıpa Bitibaevanyń dosy Sholpan Jıenbaeva, shákirtteri Túsiphan Túsipbekov pen Aıgúl Qapıratqyzy ustazy týraly tolqyp sóılep, tebirene estelikterin aıtty. Týystary men sińlileri de sharaǵa belsene qatysty. Osy rette is-sharanyń joǵary deńgeıde ótýine atsalysqan mektep dırektory Núrken Akımovqa, toǵyz qumalaqtan jattyqtyrýshy Asqar Ramazanovqa, qazaq tili men ádebıeti pániniń muǵalimderi Qarlyǵash Saǵıevaǵa, Jánııa Áldebaevaǵa, Merýert Muqashevaǵa alǵysymdy bildirgim keledi», - deıdi aptalyqty uıymdastyrýshy, Jambyl atyndaǵy mamandandyrylǵan mektep-gımnazııa-ınternaty dırektorynyń ǵylymı ınnovasııalyq jumystary jónindegi orynbasary Baqytgúl Aýǵanbaeva.
Aptalyqtyń qorytyndysynda Semeıdegi №37 orta mekteptiń muǵalimi Quralaı Jakenova «Úzdik zerthana jetekshisi», Aıagózdegi №6 orta mekteptiń ustazy Janar Saıajanqyzy «Úzdik ortalyqtar» atalymdarymen marapattaldy.
Azamat QASYM,
«Egemen Qazaqstan»