Egıpetke saıahattaýshylar úshin tıimdi múmkindik jasaldy

Bul týraly Almatydaǵy «Atakent-EKSPO» kórme orta­lyǵyn­da Egıpettiń Qyzyl teńiz (Hýrgada) provınsııa­synyń gýbernatory – Ahmed Ab­dýlla men Ońtústik Sınaı gýbernatory (Sharm-ál-Sheıh) – Halıd Fodanyń qatysýymen ótken  baspasóz máslıhatynda keńinen aıtyldy.

Sońǵy jyldary elimizden Egı­petke saıahattaýshylardyń sany eselep artqan. Álem tarıhynan oıyp turyp oryn alatyn ejelgi My­syrdaǵy mádenı oryndar men kóne jádigerler jahandyq mádenıettiń jaýhary sanalatyny belgili. Osy rette  Qyzyl teńizge baryp, marjan ja­ǵalaýdy kórýge nıetten­gen el azamattary úshin týrıstik usy­nys­tar aýqymy artyp otyr.­­ Bul turǵyda eki memleket­ ara­syndaǵy týrıstik baı­­la­nys­ty jandandyrý­ maqsa­tyn­­da qol­ǵa alynǵan bir­qatar keli­sim­der bar. Elimizge arnaıy kelgen qos aımaqtyń bas­shy­lary yn­tymaqtastyq jáne ın­ves­tı­sııalyq seriktestikti nyǵaıtý ba­rysynda Qyzyl teńiz provınsııasy men  Ońtústik Qazaqstan oblysy, sondaı-aq Almaty men Astana qalalary arasynda tý­rıstik qarym-qaty­nas ornatý týraly birqatar me­mo­randýmǵa qol qoıýdyń ma­ńyz­dylyǵyna toqtaldy.

– Bıyl bizdiń kompanııamyz­dyń kólemi  byltyrǵy jylmen salystyrǵanda 3 ese ósti jáne qazir biz Qazaqstannyń 4 qala­synan Mysyrǵa ushamyz. О́t­ken jyldyń kórsetkishimen alyp qarar bolsaq, bir reıstiń char­terlik naryǵy Qazaqstannan jal­py alǵanda 12 reıske deıin ósti. Búgingi kúnge deıin Egıpet – bul qonaqúılerdiń «barlyǵy qosylǵan» baǵyty boıynsha ju­mys isteıtin uqsas usynystary bar eldermen salystyrǵanda ba­ǵasy 2-3 ese tómen memleket.­ Tutynýshylar úshin bul ba­ryn­sha tıimdi usynys. 2018 jyl­dyń sáýir aıynan bastap Almatydan Hýrgadaǵa jáne mamyrynan bastap Astanaǵa ushý baǵyty iske qosylatyn bolady, – deıdi KAZUNION qazaqstandyq týroperatordyń negizin qalaýshy Laýra Ǵalıeva.

Jaýapty mamandardyń aıtýynsha, jańa reısterdiń tıim­di tustary kóp. Máselen, Qa­zaqstannan barǵan otbasylarǵa ar­nalǵan qonaqúılerdiń 90%-dan astamy balalarǵa tegin turýdy qamtamasyz etedi. Oǵan qosa, Sharm-ál-Sheıh jáne Hýrgada áýejaılary týrıstik reıs­terdi ustaýǵa arnaıy tómen tarıf­terdi engizgendikten,  tasymaldaý quny burynǵydan edáýir tómendegen. Hýrgadadaǵy ushý baǵdarlamasy qumdy jaǵajaılarǵa jáne bar­lyǵyn qosa alǵanda, kishkentaı  týrısterge arnalǵan usynystardy keńeıtken.   Týrıster Sharm-ál-Sheıh kýrortyna ushyp ketse, vızasyz kirý múmkindigi de qarastyrylǵan kórinedi. Aı­ta­lyq, Qyzyl teńizge 10 kúnge saparlar bolsańyz, áýe tasymaly, bes juldyzdy qonaqúı, barlyq ýaqyttardaǵy tamaqtaný, osynyń bárine qaltańyzdan jan basyna shaqqanda 250 myń teńge jumsalsa kerek.

2017 jyldyń jaz aılarynda atalǵan aımaqqa saıahattaýshy eresek týrısterdiń sany 73 pa­ıyzdy,  2 jastan 12 jasqa deıingi jetkinshekter – 24 paıyz, al  2 jasqa deıingi balalar 4 paıyzdy quraǵan.

Arman OKTIаBR,

«Egemen Qazaqstan»