Halyqaralyq fýtbol federasııasy (FIFA) Reseıde ótetin fýtboldan álem chempıonatynyń búginge deıin satylǵan bıletteriniń statıstıkasyn jarııalady.
Halyqaralyq federasııanyń taratqan málimetine qaraǵanda, álem chempıonatyna búginge deıin 1 698 049 bılet satylǵan. Olardyń basym bóligin ıaǵnı 796 875-in (nemese 46,9%) reseılik fýtbol jankúıerleri satyp alǵan. Sondaı-aq alǵashqy ondyqtyń ishine myna memlekettiń ókilderi engen: AQSh (80 161), Brazılııa (65 863), Kolýmbııa (60 199), Germanııa (55 136), Meksıka (51 736), Argentına (44 882), Perý (38 544), Qytaı (36 841), Aýstralııa (34 628) jáne Anglııa (30 711).
Aıta keteıik, bılet satyp alý boıynsha ondyqqa engen AQSh pen Qytaı memleketiniń quramasy bıylǵy álem chempıonatyna qatyspaıdy.
Daıyndaǵan Álı BITО́RE,
«Egemen Qazaqstan»