Koreıadaǵy QR Elshiliginiń qoldaýymen «ınvestısııa aptalyǵy» aıasynda ınvestısııalar jáne damý vıse-mınıstri Arystan Qabykenovtyń basshylyǵymen qazaqstandyq delegasııa músheleri bıznes-sammıtke, forýmǵa qatysyp, Qazaqstanǵa ınvestısııa salýǵa múddeli Ońtústik Koreıanyń kásipkerlermen kelissózder júrgizdi, dep habarlaıdy primeminister.kz.
Qazaqstandyq delegasııa quramynda otandyq bıznestiń 50-den astam ókili bar.
Seýlde Qazaqstan delegasııasynyń músheleri Infrastructure investor Seoul Summit 2018 qatysty. Sammıt aıasynda ınvestısııalyq aǵyndardyń negizgi jahandyq úrdisteri qaralyp, ınfraqurylymǵa, jańartylatyn energııa kózderine jáne basqa da perspektıvaly salalarǵa ınvestısııalar salý máseleleri talqylandy.
Sondaı-aq qazaqstandyq ókilder Global Project 2018 forýmynda Qazaqstandaǵy memlekettik-jekeshelik áriptestik jobalary týraly baıandama jasady.
QR ınvestısııalar jáne damý vıse-mınıstri Arystan Qabykenov Koreıanyń jyl saıynǵy kólik–logıstıkalyq aýqymdy sharasy Korea MAT ashylýyna qatysty.
Budan ózge, Arystan Qabykenov Koreıanyń kólik, jer jáne ınfraqurylym mınıstri Kım Iýnmımen jáne iri kólik kompanııalarynyń basshylarymen Koreıanyń halyqaralyq kórme ortalyǵyndaǵy (KINTEX) kórmeni ashty. Kórmede logıstıka, saqtaý, suryptaý jáne t.b. jónindegi taqyryptyq pavılondar usynyldy.
KINTEX kórmesi aıasynda yntymaqtastyqty damytý boıynsha Ońtústik Koreıanyń iri kompanııalarynyń ókilderimen jekelegen kezdesýler ótkizildi. Atap aıtqanda, logıstıka jáne kóliktik qyzmet kórsetý salasyndaǵy yntymaqtastyq keleshegi máseleleri Pantos kompanııasynyń basshysy Iýnho Lımen jáne kólik mınıstri Kım Iýnmımen kezdesý barysynda talqylandy.
SK jáne Korea Expressway Corporation-men kezdesý kezinde Arystan Qabykenov Úlken Almaty aınalma avtokólik jolynyń qurylysy (ÚAAAJ) Qazaqstandaǵy eń mańyzdy ınfraqurylymdyq jobalardyń biri ekenin aıtyp ótti. SK kompanııasynyń prezıdenti Djeıson An atalǵan jobany iske qosý kompanııanyń Qazaqstanmen ár túrli baǵyttardaǵy yntymaqtastyǵyn nyǵaıtýdyń alǵashqy qadamy ekenin málimdedi. Djeıson An, sonymen qatar, ÚAAAJ iske qosylǵannan keıin birqatar koreıalyq kompanııalar arasynda Qazaqstanǵa degen qyzyǵýshylyqtyń aıtarlyqtaı artqanyn atap ótti.
О́z kezeginde, Korea Expressway Corporation ókilderi avtomagıstraldar qurylysy men ondaǵy qyzmet kórsetý salasyndaǵy ınnovasııalar týraly aıtyp berdi. Bul kompanııa Koreıada 4 700 shaqyrym aqyly joldarǵa qyzmet kórsetedi. Kezdesý barysynda «QazAvtojol» AQ-men jol qurylysy jáne jańa tehnologııalardy engizý salasyndaǵy yntymaqtastyqty nyǵaıtý týraly kelisimge qol jetkizildi.
Hyundai Corporation-men kezdesýde agroónerkásip kesheniniń qajettilikteri úshin jabdyqtar shyǵarý máseleleri qaraldy.
«Qazaqstannyń aýyl sharýashylyǵy tehnıkasyn shyǵaryp, olardy Reseı men Ortalyq Azııa elderiniń naryqtaryna eksporttaýǵa úlken áleýeti bar», — dedi Hyundai Corporation vıse-prezıdenti Greg Nam.
«Investısııa aptalyǵy» aıasynda Kazakh Invest basqarma tóraǵasynyń orynbasary Rýstam Isataev pen Korea Trade-Investment Promotion Agency vıse-prezıdenti Von-Sok Iýn yntymaqtastyq týraly memorandýmǵa qol qoıdy.
Sonymen qatar, qazaqstandyq delegasııa músheleri Dongbu Express, Daedong Industrial, DaeO, Green Technology Centre, Doosan Heavy Industry, SAJO Group, «Nexen Tire, Hyundai Glovis, Soosang ST, KT, BNK Capital jáne t.b. kompanııalarmen kelissózder júrgizdi.
«Investısııa aptalyǵyn» jalǵastyrý maqsatynda qazaqstandyq-koreıalyq ınvestısııalyq bıznes-forýmdy ótkizý josparlanyp otyr, oǵan Ońtústik Koreıanyń 200-den astam kompanııasy qatysady dep kútilýde.