Parlament Senat Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Qazaqstan Respýblıkasynyń Úkimeti men AQSh-nyń Úkimeti arasyndaǵy memlekettik áýe kemelerine aeronavıgasııalyq qyzmet kórsetý úshin tólemaqy alýǵa qatysty kelisimdi ratıfıksııalaý týraly» zań jobasy qaraldy, dep habarlaıdy Senattyń baspasóz qyzmeti.
Kelisim 2018 jylǵy 12 qańtarda Vashıngton qalasynda jasaldy jáne bortynda úkimet delegasııasy bar memlekettik áýe kemelerin aeronavıgasııalyq alymdar alýdan ózara bosatýdy kózdeıdi.
Taraptardyń biri ekinshi taraptyń resmı suraý salýy boıynsha óz memleketiniń aýmaǵynyń ústinen memlekettik áýe kemeleriniń ushyp ótýin oryndaýǵa, osyndaı ruqsat beriletin saparlar sol memlekettiń aýmaǵyna qonýǵa baılanysty bolǵanda dıplomatııalyq ruqsat beredi. Kelisim erejeleri tranzıttik ushyp ótýlerge, sondaı-aq úkimettik maqsattar úshin paıdalanylmaıtyn nemese kez-kelgen kommersııalyq qyzmette paıdalanylatyn áýe kemelerine qoldanylmaıdy.
Zań jobasynyń qoldanysy «Qazaqstan Respýblıkasynyń áýe keńistigin paıdalaný jáne avıasııa qyzmeti týraly» Qazaqstan Respýblıkasy Zańynyń 20-baby 2-tarmaǵynyń 6) tarmaqshasyn iske asyrýǵa baǵyttalǵan, oǵan sáıkes Qazaqstan Respýblıkasynyń áýe keńistigin paıdalanýshylarǵa usynylatyn aeronavıgasııalyq qyzmet kórsetý, eger shart erejelerinde áýe qozǵalysyna qyzmet kórsetkeni úshin aqy tóleýden bosatý kózdelgen bolsa, Qazaqstan Respýblıkasy ratıfıkasııalaǵan halyqaralyq sharttarǵa sáıkes ushýdy oryndaǵan jaǵdaılarda, óteýsiz júzege asyrylady.
Zań jobasy Palatanyń qaraýyna jiberildi.