Qazaqstannyń isker áıelder qaýymdastyǵy Naýryz merekesin ótkizdi

Is-sharaǵa Qazaqstan Res­pýblıkasynyń eńbek sińirgen ártisi Maıra Ilııas­qyzy, elimizdegi túrli el­shilikterdiń músheleri, «Nur Orda» folklorlyq ansambli qatysty.

– Naýryz merekesin sońǵy on jyl boıy úzbeı toılap kelemiz. Bul halqymyzdyń ulyq merekesi. Bul jıynǵa elimizdegi sheteldik elshi­lerdiń otbasylary da qa­ty­syp otyr. Sondyqtan ne­­­­giz­­gi maqsatymyz – ulyq meı­­­ramymyzdy ulyqtap qa­na qoımaı, sheteldik qo­naq­­tarǵa tól merekemizdi, salt-dástúrimizdi keńinen ta­­­­nystyrý, nasıhattaý, – dedi isker áıelder qaýymdas­tyǵynyń basshysy Raýshan Sársembaeva.

Bul meıram jer men kók­tiń býsanyp, qystaı jaýǵan qardyń kóbesi sógilip, kún kún men tún teńelgen ýa­qyt­ta toılanǵan. О́tkenge kóz júgirter bolsaq, dana hal­­­­qymyz ulyq merekeni bir aı­ǵa deıin atap ótken eken. Uıymdastyrýshylar osy­ny negizge ala otyryp, ar­qa tórindegi kún jylynǵan sát­ti kútken bolsa kerek.

Saltanatty jıynnyń negizgi bóliginde «Nur Orda» ansambli jınalǵan qaýymǵa kúıden shashý shashty. So­ny­men qatar quda túsý, qyz­dyń jasaýyn daıyndaý, sekildi salt-dástúrimizden kó­rinister qoıyldy. Al Maıra Ilııasqyzy vals ko­roli Shámshi Qaldaıaqovtyń «Baqyt qushaǵynda», «Shaqy­rady kóktem» ánderin oryndap, kórermenderdi ystyq yqylasqa bóledi.

– Bul jıynda Naý­ryz­dyń eń basty qundylyq­tary nasıhattalady.  Son­daı-aq urpaqtar sabaqtas­tyǵy saqtalmaq, ıaǵnı mun­da eńbektegen baladan, eń­keı­gen qartqa deıin qaty­­syp otyr. Úlkenge qur­met, kishige izettiliktiń úlgi­sin­ áıgilemekpiz, – dedi Qa­zaq­stan Respýblıkasy Prezı­den­­tiniń janyndaǵy Áıelder isteri jáne otbasylyq-demo­grafııalyq saıasat jónin­degi ulttyq komıssııa tóraıy­mynyń orynbasary Lázzat Súleımen.

Bul keshtiń ereksheligi sol, uıymdastyrýshylar kelgen qonaqtardyń qurme­tine arnap sán kórseti­limin, utys oıyndaryn ótkizdi. Sán kór­setilimi barysyn­da ádemi tigilgen bas kıim, kóılek ıe­leri túrli syı­lyqtarmen marapattaldy. Al utys oıyndary kezin­de aǵylshyn tilin tegin úıre­ný kýrstaryna, balalar kúti­mine arnalǵan túrli sertıfıkattar, ózge de baǵaly zattar tabys etildi.

Aıan ÁBDÝÁLI, «Egemen Qazaqstan»