Quttyqtaý jedelhatyn joldady

Memleket basshysy Nursultan Nazarbaev Reseı Federasııasynyń Prezıdenti Dmıtrıı Med­vedevke «Edınaıa Rossııa» partııasynyń Reseı Federasııasynyń Memlekettik Dýma­sy­na saılaýdaǵy senimdi jeńisine baılanysty qut­tyqtaý jedelhatyn joldady, dep habar­la­dy Qazaqstan Respýblıkasy Prezıdentiniń baspasóz qyzmeti. «Bolyp ótken saılaý elde júrgizilip otyrǵan áleýmettik, ekonomıkalyq, saıası jańǵyrtý baǵy­tyn keń kólemdegi qoǵamdyq qoldaýdy kórsetti. Saılaýdyń qorytyndylary bizdiń elderimiz ara­syn­daǵy tatý kórshilestik dástúri men ózara tıimdi seriktestik qarym-qatynastardy nyǵaıtýǵa múm­kin­dik týǵyzady dep senemin. Sizge eldi odan ári jań­ǵyrtý jóninde belgilengen mindetterdi iske asyrýda úlken tabystar tileımin», delingen jedelhatta.

*  *  *

Memleket basshysy Nursultan Nazarbaev Reseı Federasııasynyń Premer-mınıstri Vla­dımır Pýtınge «Edınaıa Rossııa» partııa­sy­nyń Reseı Federasııasynyń Memlekettik Dýmasyna saılaýdaǵy senimdi jeńisine baı­lanysty quttyqtaý jedelhatyn joldady, dep habarlady Qazaqstan Respýblıkasy Prezı­dentiniń baspasóz qyzmeti. «Saılaý «Edınaıa Rossııanyń» eldiń qoǵamdyq-saıası ómirindegi jetekshi róliniń jarqyn dáleline aınaldy. «Edınaıa Rossııa» partııasy Reseı Federa­sııasynyń belgilengen áleýmettik-ekonomıkalyq reformalar joly boıynsha odan ári qarqyndy alǵa jyljýyn qamtamasyz ete alady dep senemin. Biz Qazaqstan-Reseı yntymaqtastyǵyn damytýdaǵy, biz­diń halyqtarymyz arasyndaǵy dostyqty nyǵaı­týdaǵy Sizdiń jeke úlesińizdi joǵary baǵalaımyz», delingen jedelhatta. Nursultan Nazarbaev Vladımır Pýtınge zor densaýlyq, jan sergektigin, memlekettik jáne qoǵamdyq qyzmetinde odan ári tabystar tilegen.